Yoswa 5:6 - Tonga Bible 1986

⁶ Pakuti ŵangwenda virimika machumi ghanayi (40) mu bozwa, mpaka penipo mtundu wose, ŵanthurumi ŵankhondo wo ŵangutuwa mu Egipiti, ŵangumara chifukwa ŵengavi kuvwiya mazu gha Ambuya; Ambuya angurapa kwaku wo kuti akaŵazomerezganga cha kuwona charu cho Ambuya angurapiya ku auskeu kutipaska, charu chakutaŵara mukaka ndi uchi.

Yoswa 5:6 Referans Kwoze

Maŵerengedu 14:23

palivi nanga njumoza yo wakachiwonanga charu cho ndingurapiya auskeu, chingana njumoza waku wo wangundikalariska kuti wakachiwonanga cho cha.

Marangu 2:14

Kutuwa Kadeshe-barnea kufika ku msinji wa Zerede, tingwenda virimika machumi ghatatu pachanya vinkhonde ndi vitatu (38) mpaka mwandano wose wa ŵanthurumi ŵankhondo ungumara mu ugoŵi nge ndimo Ambuya angurapiya.

ŴaHebere 3:11

Uli ndimo ndingurapiya mukandundu kangu, kuti ‘Wamsere cha mu chipumulu changu.’ ”

Marangu 2:7

Pakuti Ambuya Chiuta winu wamutumbikani mu milimu yose ya manja ghinu. Waziŵa kwenda kwinu mu mabozwa yagha ghakuru; virimika ivi machumi ghanayi (40) Ambuya Chiuta wenga namwe, mulive kusauka.’

Marangu 1:3

Ndipo mu chirimika cha machumi ghanayi (40) pa zuŵa lakudanga la mwezi wa chumi ndi umoza, Mosese wangukamba ndi ŵaYisraele kwakulingana ndi vyose vyo Chiuta wangumulanguliya mu dangu kuŵanene.

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

Ezekiele 20:15

Kweni ndi kweni mu bozwa ndinguŵarapiya kuti, kuti ndikaŵatoriyanga mu charu cho ndikuŵapaska cha, charu chakudika mkaka ndi uchi, charu chakutowa kuruska vyaru vyose vinyake,

Yeremiya 2:2

“Ruta, ukamemeze mu makutu gha Yerusalemu, viyo atiti Ambuya, Ndikumbuka kuti ungunditeŵete penipo wenga muhurwa, chanju chako uli ncha mwali wanthengwa, mwenimo ungundindondoloske mu bozwa, mu charu chambura kumijamo mbeu.

Marangu 8:4

Vivwalo vinu kuti vingumugugiyani cha, ndi lundi linu kuti lingutupa cha, virimika ivi machumi ghanayi (40).

Ezekiele 20:6

Pa zuŵa liya ndinguŵarapiya kuti ndikaŵatuzganga mu charu cha Egipiti kuya nawo ku charu cho ndikuŵasankhiya, charu cha kudika mukaka ndi uchi, charu chakutowa kuruska vyaru vyose vinyake.

Chituwa 3:17

sono ndipangana kuti ndikakutuzganingimo mu suzgu yamu Egipiti, kuya namwe ku charu cha ŵaKanani, ŵaHiti, ŵaAmori, ŵaPerizi, ŵaHivi ndi ŵaYebusi, charu chakuzara mukaka ndi uchi.” ’

Yoele 3:18

“Ndipo mu zuŵa lo mapiri ghanthonenge vinyo mufya, ndi tumapiri tutaŵarenge mkaka, ndi tumisinji tose twaku Yuda twendenge maji; ndipo chisimi chibwibwitukenge kutuliya ku nyumba ya Ambuya chamdiriya dambo la Shitimu.

Maŵerengedu 26:63

Yaŵa ndiwo ŵanguŵerengeka ndi Mosese ndi Eleazara mzukuru yo wanguŵerenga ŵaYisraele mu madambo gha Moabu pafupi ndi Yordane pa Yeriko.

Yoswa 5:5

Nanga wose wo ŵangutuwa ŵanguchinjika, kweni ŵanthu wose wo ŵangupapikiya mu nthowa mu bozwa ŵati ŵatuwa mu Egipiti ŵengavi kuchinjika.

Yoswa 5:7

Viyo ŵenga ŵana ŵawo, wo ŵanguyuskiya mu malo ghawo, ndiwo Yoswa wanguŵachinja; pakuti ŵengavi kuchinjika pa ulendo wawo.

Sumu 107:4

Ŵanyake ŵanguyingayinga mu bozwa la chiparamba, ndipo kuti ŵangusaniya nthowa ya ku muzi wakujamo cha.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Yoswa 24:7

Ndipo po ŵanguti ŵabongole Ambuya anguŵika mdima pakati paku imwe ndi ŵaEgipiti, ndi kuchita nyanja kuza paku wo ndi kuwaburumutizga; ndipo maso ghinu ghanguwona cho ndinguchita kwaku Egipiti; munguja mu bozwa nyengo yitali.