Yoswa 5:2 - Tonga Bible 1986

² Pa nyengo yiya Ambuya angunena ndi Yoswa. “Uchite vimayi vya mya ndipo uŵachinje so ŵaYisraele kachiŵi.”

Yoswa 5:2 Referans Kwoze

Marangu 30:6

Ndipo Ambuya Chiuta winu wakachinjanga mtima winu ndi mtima wa mphapu yinu, alinga kuti mukanjanga Ambuya Chiuta winu ndi mtima winu wose, ndi mzimu winu wose, kuti muŵenge ŵamoyo.

Marangu 10:16

Viyo dumuwani khungu laku mitima yinu, ndipo so mureke kuŵa so ŵanonono mu mitima.

Chituwa 4:25

Sono Zipora wanguto mwa ndi wanguchinja khungu lakusongo la mwana wake munthurumi ndipo wanguko marundi ghaku Mosese ndi khungu lo, ndi wanguti, “Kwakuneneska we wanthengwa wa ndopa kwaku ine!”

ŴaKolose 2:11

Mwaku mweniyo so mwachinjikiya ndi muchinju wakuchitika ndi manja cha, pa kuzuwa liŵavu la nyama, mu mchinju wo waku Kristu;

ŴaRoma 4:11

ndipo wanguronde chisimikizgu cha mchinju, chiŵali cha urunji wa chivwanu wo wenga nawo uwura-mchinju: alinga waŵe iyo wiskeu waku wose ŵakuvwana, chingana mbambura kuchinjika, alinga kuti urunji wo ungapimikiya iwo nawo;

ŴaRoma 2:29

kweni ndiyo muYuda yo ngwa mukati; ndipo mchinju ngwa mtima, mu mzimu, mu lembo cha; rumbu laku mweniyo kuti nda ku ŵanthu cha, kweni kwaku Chiuta.

Yoswa 5:3

Yoswa wanguchita vimayi vya mya wanguchinja ŵaYisraele pa Gibeyate-haraloti.