Yoswa 5:1 - Tonga Bible 1986

¹ Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 5:1 Referans Kwoze

Maŵerengedu 13:29

Ŵina Amaleke ŵaja mu charu chaku mwela; ŵaHiti, ŵaYebusi ndi ŵaAmoni ŵaja mu charu cha mapiri; ŵaKanani ŵaja ku nyanja, ndi mumphepete mwa Yordane.”

1 ŴaKaronga 10:5

vyakurgha vyapa gome lake, kajaridu, ka ŵamazaza ŵake, kateŵetedu ka ŵaŵanda ŵake, vivwaru vyawo, ŵakunyamuwa vyandi, ndi mipasku yake yakocha yeniyo wangupereka pa nyumba ya Ambuya, nthazi yake yose yingumara.

Chivumbuzi 18:10

pakuma kutari chifukwa cha wofi wa urwirwi wake, ŵakatinge, “Owe! Owe! wamsumba ukuru, Babiloni we, msumba wanthazi! Pakuti mu ora limoza cheruzgu chako chaburika!”

Amosi 2:9

“Kweni ndinguparghang'a Amori pamaso pawo wo utali wawo we nge mbutali wa milanji, ndipo yo wenga wanthazi nge ndi miti ya kankhandi; ndingupuluwa vipasi vyake kuchanya, ndi kuzuwa misisi yake kusi.

Danyele 5:6

Viyo kawonekedu ka karonga kangusintha ndi maghanaghano ghake ghangundengulana.

Ezekiele 21:7

Ndipo po ŵakakambanga nawe kuti, ‘Utamanthiyanji?’ iwe unene kuti, ‘Chifukwa cha makani. Ghatakuti ghaza, mtima wose ukasongonokanga manja ghose ghakaŵanga ghambura nthazi, mzimu wose ukakomokanga ndipo makongono ghose ghakazizilanga nge ndi maji, Ehe, ghatuza ndipo ghakafiskikanga,’ ” atiti Ambuya Chiuta.

Ezekiele 16:3

Unene kuti, Viyo atiti Ambuya Chiuta, kwaku Yerusalemu: Chiyambo chako ndi kupapika kwako vyamu charu cha ŵaKanani; ausu ŵenga ŵa Amori, ndi anyoko ŵaHiti.

Sumu 135:11

Sihoni, karonga wa Amori, Ogo, karonga waku Bashani, ndi maufumu ghose mu Kanani.

Ezra 9:1

Vinguti vyamara ivi, ŵara-ŵara ŵanguza kwaku ine, ŵanguti, “ŴaYisraele ndi ŵazukuru ndi ŵaLevi, ŵalivi kujipatuwa ku ŵanthu ŵa vyaru ivi ndi ku ukazuzi wawo, ku ŵaKanani ndi ŵaHiti, ŵaPerizi, ndi ŵaYebusi ndi ŵaAmoni, ndi ŵaMoabu, ndi ŵaEgipiti, ndi Amori.

2 Samuele 21:2

Viyo karonga wangudana ŵaGibeoni; ŵaGibeoni kuti ŵenga khamu la ŵaYisraele cha, kweni ŵakusiyika ŵaAmori, nanga ŵa khamu laku Yisraele ŵanguŵarapiya kuŵasiya ŵamoyo, kweni Sauli mwaphamphu lake wanguŵabaya pa ŵaYisraele ndi ŵaYuda.

1 Samuele 25:37

Ndipo ndi mlenji kuloŵe kwaku Nabala kwati kwamara, muwoli wake wangumukokhoske vinthu ivi vyose, ndipo mtima wake ungufwa mukati mwake, wanguŵa nge ndi mwa.

Ŵeruzgi 11:23

Viyo ndimo Ambuya, Chiuta waku Yisraele, wanguŵalonde charu Amori paurongo pa ŵaYisraele; sono kumbi iwe utonge chihara chawo?

Ŵeruzgi 4:2

Ndipo Ambuya anguŵaguliska mu janja laku Yabini karonga wa ŵaKanani, yo wawusanga mu Hazoro; wakurongozga liŵanja lake la nkhondo, wenga Sisera, mweniyo wajanga mu Harosheti-hagoimi.

Ŵeruzgi 3:3

Mitundu yose iyi: mafumu ghankhonde gha ŵaFilisti, ndi ŵaKanani wose, ŵaSidoni, ndi ŵaHivi wo ŵajanga pa phiri la Lebanoni, kwamba ku phiri Bala-Hermoni kwachifika pakuserere mu Hamati.

Ŵeruzgi 1:1

Pavuli pa nyifwa yaku Yoswa ŵanthu ŵangufumba ku Ambuya, “Ndiyani yo wakadanganga kutikwere ifwe kwachimikana ndi ŵaKanani kurwana nawo?”

Yoswa 24:15

Ndipo asani kuti mukakhumbanga cha kutataliya Ambuya, sankhani msana wale mweniyo mukatataliyanga, manyi mba chiuta wo auskemwe ŵangutataliya kusirgha liya la Msinji, pamwenga ŵachiuta waAmori ŵeniwo imwe muja mu charu chawo; kweni nge nkhwaku ine ndi wose ŵamu nyumba yangu titataliyenge Ambuya.”

Yoswa 17:18

kweni charu cha mtunthu chikaŵanga chinu, pakuti nanga chingaŵa dondo, mukachitozganga ndi kujamo kwachifika ku mphaka zake zakunthazi; pakuti ŵaKanani, nanga ŵendi magareta gha chisulo, ndipo nanga mbanthu ŵanthazi; mukaŵadikiskangamo.”

Yoswa 17:12

Kweni ŵana ŵaku Manase ŵangutondeka kusere mu misumba yo; ŵaKanani ŵangujaririya mu charu chiya.

Chituwa 23:28

Ndipo ndikatumanga masanganavu kuurongo kwinu gho ghamudikiska muHivi, muKanani, muHiti, kutuwapo paurongo pinu.

Chiyambo 48:22

Ndipo so ndakupaska iwe kwakuruska ku ŵana ŵanyako sendemu limoza la phiri lo ndingukwamphuwa ku janja la Amori ndi lipanga langu ndi uta wangu.”

Chiyambo 12:6

Abramu wanguporota mu charu cho kuya ku malo gha Shekemu, ku chimuti cha msolo chaku More. Pa nyengo yiya ndipo ŵaKanani ŵemu charu cho.

Yesaya 41:5

Vyaru vya malikumba vyawona ndipo vitopa, vigoti vya charu chapasi vinjenjeme; vyendere pafupi, vyaza.

Yoswa 3:16

maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

Yoswa 3:17

Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.