Yoswa 4:7 - Tonga Bible 1986

⁷ Sono mukaŵaneniyanga kuti maji gha Yordane ghangudumulika paurongo pa bokosi la phanganu la Ambuya; po lambukanga pa Yordane, maji ghangugaŵikana. Rekani mya iyi yikaŵanga chikumbusku cha muyaya ku ŵaYisraele.”

Yoswa 4:7 Referans Kwoze

Chituwa 12:14

“Zuŵa ili kwaku imwe likaŵanga la chikumbusku, ndipo mukalisunganga nge ndi dghera ku Ambuya; mu migonezi yinu mukalisunganga kuŵa dangu muyaya.

Sumu 111:4

Ambuya kuti akhumba cha kuti ifwe tiruwenge nchitu zawo zakuziziswa; mba wezi ndi lisungu Ambuya.

Maŵerengedu 16:40

zenga chikumbuska ku ŵaYisraele; kuti paulevi munthu mweniyo kuti ndi mzukuru cha, yo kuti ngwa mphapu yaku Aroni cha, wanderenge kufupi kwazisunkhizga paurongo pa Ambuya, vinu wangaŵa ulaka ndi Kora ndi mpingu wake. Ivi Ambuya angumunene Eliazara mwaku Mosese.

Chituwa 28:12

Ndipo ukaŵikanga mya yo yiŵi pachanya pa twapamamphewa twa efodo, kuŵa mya ya chikumbuska cha ŵana ŵanthurumi ŵaku Yisraele ndipo Aroni wakatoliyanga mazina ghawo paurongo pa Ambuya pa maphewa ghake ghaŵi, kuŵa chikumbusku.

1 ŴaKorinte 11:24

Ndipo wanguti wawonga, wangumenya, ndipo wanguti, “Chenichi ndi liŵavu langu, lapa chifwa chaku imwe: chenichi chitani kwachikumbuka ine.”

Yesaya 66:3

“Yo wabaya ng'ombe walingana ndi wakubaya munthu; yo wapereka chisopo cha mwana wamberere, walingana ndi yo wafyo khosi la garu; yo wapereka mpasku wa ufwa walingana ndi yo wasaska ndopa za nkhumba; yo wachita mpasku wa chikumbusku wa vyachema walingana ndi yo watumbika ngoza. Yaŵa ŵasankha nthowa yo ŵeneko, ndipo mtima wawo ukondwere mu maukazuzi ghawo;

Yoswa 4:6

mwakuti ichi chikuŵiyeni chikumbusku, penipo ŵana ŵinu ŵazamufumba mukucha, ‘Kumbi mya yo ying'anamuwanji kwaku imwe?’

Chituwa 30:16

Ndipo mukarondanga ndrama za mphepeska ku ŵaYisraele ndipo mukazichitiyanga mlimu wa hema lakuwunganamo; alinga ziŵakumbuskenge ŵaYisraele paurongo pa Ambuya, kuti mujichitiyenge mphepeska.”

Maŵerengedu 17:5

Ndipo ndodo ya munthu yo ndikamusankhanga yikamenga; umu ndimo ndimariskeyenge madinginiku gha ŵaYisraele, gho ŵadinginikiya paku iwe.”

Marangu 16:3

Mungarghanga ndi chiŵande cha mtupu cha; mu mazuŵa ghankhonde ndi ghaŵi mukarghanga ndi chiŵande chambura mtupu, chiŵande chapa nyengo ya suzgu, chifukwa mungutuwa mu charu cha Egipiti mu ruŵi. Mwakuti mu mazuŵa ghose gha umoyo winu, mukumbuke zuŵa lo mungutuwiya mu charu cha Egipiti.