Yoswa 4:18 - Tonga Bible 1986

¹⁸ Ŵazukuru ŵakunyamuwa bokosi la phanganu la Ambuya ŵanguti ŵatuwa mukati mu Yordane, ghanguti ghakanda pa mtunda uyumu marundi ghawo, maji gha Yordane ghanguwere mu malo ghake ndi ghangusapatiya ku sirgha ndi sirgha nge mphakudanga.

Yoswa 4:18 Referans Kwoze

Yoswa 3:15

(Yordane yo wasapatiya mu malikumba ghake ghose pa nyengo yose ya chivuna) po ŵakupinga bokosi ŵanguti ŵafika ku Yordane ndi kubizga marundi ghawo mu maji,

Yesaya 8:8

ndipo ukapeyanga kurutiriya ku Yuda, ukasapatiyanga ndi kurutiriya kuurongo, kwachifika ndi ku khosi viyo, ndipo mapapa ghake ghakutambarukiya kubwalo ghakazazanga usani wa charu chako, Immanuele we.”

1 Mikoka 12:15

Yaŵa ndiwo ŵanthu ŵangwambuka Yordane mu mwezi wakudanga, wanguti watora kusapatiya maruwu ghake, ndipo wangudikiska wose ŵakuja mu madambo, kose ku vuma ndi ku zambwe.

Yoswa 3:13

Ndipo kuŵenge kuti po marundi gha ŵazukuru ŵakunyamuwa bokosi la Ambuya (Ambuya ŵa charu chose chapasi), ghakapumuwanga mu maji ghamu Yordane, maji gho ghakarekanga kwenda, ndipo maji ghakusika kutuwa kenena ghakamanga ndundu pamoza.”

Yoswa 4:17

Viyo Yoswa wanguŵanene ŵazukuru, “Zuwukani mu Yordane.”

Yoswa 4:19

Ŵanthu ŵanguzuwuka mu Yordane pa zuŵa la chumi la mwezi wakudanga, ndipo ŵangugoŵa pa gilgala ku mphaka yaku vuma ya Yeriko.

Yoswa 4:11

wose ŵanguti ŵamara kwambuka, bokosi la Ambuya ndi ŵazukuru ŵakulipinga ŵangudanjiyapo.