Yoswa 4:13 - Tonga Bible 1986

¹³ akhumba vikwi machumi ghanayi (40,000) ŵakulongosoreke nkhondo ŵangwambuka paurongo pa Ambuya ku kurwana, ku madambo ghaku Yeriko.

Yoswa 4:13 Referans Kwoze

ŴaEfeso 6:11

Jiphatiyeni vidya vyose vyaku Chiuta, kuti muŵe ŵanthazi imwe kumikirana ndi mauthyanithyani gha diabolo yo.

Yeremiya 52:8

Kweni ŵankhondo ŵa ŵaKaldiya ŵangundondoloska karonga, ŵangumusaniya Zedekiya mu madambo gha Yeriko; ndipo ŵankhondo ŵake wose ŵanguparghanika ŵangumuthaŵa.

Yeremiya 39:5

Kweni wumba wa ŵankhondo ŵa ŵaKaldiya unguŵandondoloska, ndipo ungusaniya Zedikiya mu madambo gha Yeriko; ŵanguti ŵamuto, ŵanguza nayo kwaku Nebukadanezara karonga wa Babiloni pa Ribula, mu charu cha Hamati, ndipo wangumweruzga.

2 ŴaKaronga 25:5

Kweni liŵanja la nkhondo la ŵaKaldiya lingumurondo karonga, ŵangumusaniya mu madambo gha Yeriko, ndipo liŵanja lake lose la nkhondo linguparghanikana ndi ku mujowo.

Yoswa 5:10

Po ŵaYisraele ŵenga ŵeche mu ugoŵi ku Gilgala ŵangusunga phaska pa zuŵa la chumi ndi chinayi la mwezi, ndi mazulo mu madambo gha Yeriko.

Chituwa 13:18

Kweni Chiuta wanguŵarongozga ŵanthu ŵa kwakuzunguliya mu nthowa ya ku bozwa kurazga ku Nyanja Yiyera. Ndipo ŵaYisraele ŵangukwera kutuwa mu charu cha Egipiti ŵakuskoma nkhondo.

Maŵerengedu 32:17

kweni ifwe tikanyamuwanga vidya, ŵakunozgeka kudanjiya paurongo pa ŵaYisraele, mpaka penipo taŵatore ku malo ghawo; ndipo ŵana ŵidu ŵakajanga mu mizi ya malinga chifukwa cha ŵakuja mu charu.

Marangu 3:18

“Ndipo ndingukuneniyani nyengo yiya kuti, ‘Ambuya Chiuta winu wakupaskani charu ichi kuŵa chinu, ŵanthurumi ŵinu wose ŵanozgeke ndi vidya pakulowoka ndi kwenda panthazi pa ŵabali ŵinu ŵaYisraele.

Yoswa 4:12

Ŵana ŵanthurumi ŵaku Rubene, ndi ŵana ŵanthurumi ŵaku Gadi, ndi ŵanyake ŵa fuku laku Manase ŵangwambuka ŵakuskoma vidya paurongo pa ŵanthu, nge ndimo Mosese wanguŵanene;

Yoswa 4:14

Pa zuŵa liya Ambuya angukuzga Yoswa mu maso gha ŵaYisraele wose; ndipo ŵanthu ŵanguma ndi kumopa iyo, uli ndimo ŵangope Mosese, mu mazuŵa gha umoyo wake wose.

Ŵeruzgi 20:1

Sono ŵaYisraele ŵangutuwa, kwamba ku Dani kufika ku Beresheba, ndi charu chaku Gileada, ndipo mpingu wo unguwungana uli ndi munthu yumoza ku Ambuya pa Mizipa.