Yoswa 3:7 - Tonga Bible 1986

⁷ Ndipo Ambuya angunena ndi Yoswa, “Zuŵa lino ndambenge kukukuzga mu maso gha ŵaYisraele wose, mwakuti ŵapanikizge kuti mo ndinguŵiya ndi Mosese ndimo ndikaŵiyanga ndi iwe.

Yoswa 3:7 Referans Kwoze

Yoswa 4:14

Pa zuŵa liya Ambuya angukuzga Yoswa mu maso gha ŵaYisraele wose; ndipo ŵanthu ŵanguma ndi kumopa iyo, uli ndimo ŵangope Mosese, mu mazuŵa gha umoyo wake wose.

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

1 Mikoka 29:25

Ndipo Ambuya angumuchita Solomoni kuŵa wambiri yikuru mukati mu ŵaYisraele wose ndi angumpaska mazaza gha ufumu ghenigho ghengavi kupaskika ku karonga we yose waku Yisraele, wakudanga kwaku iyo.

Sumu 18:35

Imwe mwandipaska nguru ya chipozomosko chinu, janja linu la kurghiya landikoreze, ndipo chovyo chinu chandikuzga ukongwa.

Yoswa 1:17

Nge ndimo tinguvwiya Mosese mu vinthu vyose, ndimu tikavwiyanga ndi iwe; kweni Ambuya Chiuta wako pe mphanyi waŵa nawe, mo wanguŵiya ndi Mosese!

Jobu 7:17

Kambi munthu nkhane, kuti mumukuzgi ukongwa viyo, ndi kuŵika mtima winu paku iyo,

2 Mikoka 1:1

Solomoni mwana waku Davidi wanguchinthiskika mu ufumu wake, ndipo Ambuya, Chiuta wake wenga nayo ndipo wangumukuzga ukongwa.

Yohane 17:1

Yesu wanguti wamara kurongoro; wangwinuskiya maso ghake kuchanya, ndi wanguti, “Ada, ora lo laza: kankhuskani Mwana winu, alinga kuti Mwana wakankhuske imwe.

ŴaFilipi 1:20

uli nchilereze cho ndinweka ndi chigomekezgu changu, chakuti ndingalengeskeka mu kanthu kamoza cha, kweni kuti mu chiganga chose sono nge ndi nyengo zose, Kristu wakuzgikiyenge mu liŵavu langu, manyi ndi mu umoyo, pamwenga mu nyifwa.

Yoswa 3:6

Yoswa wanguti ku ŵazukuru, “Nyamuwani bokosi la phanganu ndipo jumphani paurongo pa ŵanthu.” Ŵangunyamuwa bokosi la phanganu lo.

Yoswa 3:8

Ndipo ukaŵalanguliyanga ŵakunyamuwa bokosi la phanganu, ‘Muchifika mu mphepete mwa msinji wa Yordane, mukamanga chiliri mu maji gha Yordane.’ ”

Yoswa 1:9

Asi ndakulanguliya? Uŵi wanthazi, khwima; ungopanga cha, nanga nkhufipa mtima; pakuti Ambuya Chiuta wako we pamoza nawe ko ukayanga.”