Yoswa 3:17 - Tonga Bible 1986

¹⁷ Ndipo penipo ŵaYisraele wose wambukanga pa mtunda uyumu, ŵazukuru wo ŵangupinga bokosi la phangano la Ambuya ŵanguma pa mtunda uyumu mukati mu Yordane mpaka mtundu wose ungumara kwambukiya ku sirgha kwa Yordane.

Yoswa 3:17 Referans Kwoze

Chituwa 14:29

Kweni ŵaYisraele ŵangwenda pa mtunda uyumu mukati mu nyanja, maji ghenga chimati kwaku wo, ku janja lawo la marghe ndi ku maze kwawo.

Chituwa 14:22

Ndipo ŵaYisraele ŵangusere mukati mu nyanja pa mtunda uyumu, maji ghanguŵa chimati kwaku wo ku marghe ghawo ndi ku maze ghawo.

Sumu 66:6

Wakusanduska nyanja mtunda uyumu; ambuyafwe angwambuka msinji pasi. Kwenukuwa tingwangara pa chifukwa chaku cho chinguchitika;

Yesaya 25:8

Akameziyanga limu nyifwa muyaya, ndipo Ambuya Chiuta wakaleskanga masozi ku visku vyose, ndipo soni ya ŵanthu ŵake wakatuzgangamo mu charu chose chapasi; pakuti Ambuya ndiwo akamba.

2 ŴaKaronga 2:8

Sono Eliya wanguto chivwaro chake, wanguchizinga wangupuma maji, ndipo maji ghangupatukana kuma kuchiri kumoza ndi kuchiri kunyake mpaka penipo ŵaŵiviyo ŵangwenda pasi pa yumu.

Yoswa 4:3

uŵanene kuti, ‘Toni mya chumi ndi yiŵi pano pakati pa Yordane, pamalo ipo po marundi gha ŵazukuru ghanguma, muruti nayo mukayilalike pasi penipo mwamugona usiku uno.’ ”

ŴaHebere 11:29

Ndi chivwanu ŵangwambuka Nyanja Yiyera yo nge mpha yumu: yeniyo ŵa Egipiti nawo pakwesa kwambuka ŵangubira.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Maŵerengedu 33:51

“Ukambe ndi ŵaYisraele, mutakuti mwalowoka Yordane kusere mu charu cha Kanani,

Yoswa 4:1

Linguti lambuka khamu lo lose, Ambuya angunena ndi Yoswa,

Yoswa 4:22

Muŵaziŵiskenge ŵana ŵinu kuti, ‘Yisraele wangwambuka Yordane uyu pa mtunda uyumu.’

Yoswa 4:10

Pakuti ŵazukuru wo ŵangunyamuwa bokosi ŵanguma mukati mu Yordane, mpaka penipo vyose vyo Ambuya angulanguliya Yoswa kunene ŵanthu vingufiskika, kwakuyana ndimo Mosese wangulanguliya Yoswa. Ŵanthu ŵangwambuka kwakuthaŵiriya;

Yoswa 4:11

wose ŵanguti ŵamara kwambuka, bokosi la Ambuya ndi ŵazukuru ŵakulipinga ŵangudanjiyapo.

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.