Yoswa 3:16 - Tonga Bible 1986

¹⁶ maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

Yoswa 3:16 Referans Kwoze

Yoswa 3:13

Ndipo kuŵenge kuti po marundi gha ŵazukuru ŵakunyamuwa bokosi la Ambuya (Ambuya ŵa charu chose chapasi), ghakapumuwanga mu maji ghamu Yordane, maji gho ghakarekanga kwenda, ndipo maji ghakusika kutuwa kenena ghakamanga ndundu pamoza.”

1 ŴaKaronga 7:46

Mu dambo la Yordane ndimu karonga wavisongonoriyanga, mu dongo la pakati pa Sukoto ndi Zaretani.

1 ŴaKaronga 4:12

Bana mwana waku Ahiludi, mu Tanaka, Megido, ndi Betesheani yose yo wa pafupi ndi Zaretani pasika pa Yezerele, kutuwa Betesheani kwachifika ku Abelemehola kwachifika kusirgha kwa Jokumeamu;

Chiyambo 14:3

Ndipo wose yaŵa ŵangusazgana maŵanja mu dambo la Sidimi (yo ndi nyanja ya mche).

Sumu 114:3

Nyanja yinguwona ndi yinguthaŵa, msinji wa Yordane unguleka kwenda.

Marangu 1:1

Yagha ndi mazu gho Mosese wangukamba ndi Yisraele yose sirgha liya Yordane mu bozwa, mu chidika chakurazgana ndi Sufu pakati pa Parana, Tofele, Labana, Hazaroto, ndi Dizahaba.

Maŵerengedu 34:3

kuchiri ku malaŵi kutuwa ku bozwa la Zini mumphepete mwa Edomu, mphaka yinu kuchiri ku malaŵi yikaŵanga kutuliya ku umari wa Nyanja ya Mche ku vuma;

Sumu 77:19

Mungwenda mu zinyanja mungwambuka nyanja zikuru, kweni mo mungukanda kuti munguwoneka rwayo cha.

Sumu 74:15

Imwe mungupaska maji kudika mu visima ndi msinji, mungukamuska misinji yakutandara.

Sumu 66:6

Wakusanduska nyanja mtunda uyumu; ambuyafwe angwambuka msinji pasi. Kwenukuwa tingwangara pa chifukwa chaku cho chinguchitika;

Sumu 29:10

Ambuya ausa pachanya pa maji ghanandi; nge ndi karonga muyaya.

Yoswa 15:2

Mphaka yawo kuchiri ku malaŵi yituwa pa chigoti cha Nyanja ya Mche, kutuwa pa dowoko la lilereska kuchiri ku malaŵi;

Marangu 3:17

Ndi Araba so, Yorani nge ndi mphaka yake kuturiya ku Kineroti kwachifika ku nyanja yamu Araba, Yo ndi Nyanja ya Mche kusendemu la phiri Pisiga, kuchiri kumatuwiro gha dazi.

Chituwa 14:21

Sono Mosese wangutambaruliya janja lake pa nyanja; ndipo Ambuya angudikiskiya vuli nyanja ndi mphepo ya nthazi yaku vuma usiku wose, ndipo nyanja anguyisanduska mtunda uyumu ndipo maji ghangugawukana.

Sumu 33:7

Anguwunjika maji gha mu nyanjange ndi mu botolo; aŵika zindimba mu nyumba zakusungiyamo.

Sumu 114:5

Kwati iwe, wa nyanja, po uthaŵa? Wa Yordane, wamiyanji kwambura kwenda?

Yesaya 50:2

Chifukwa chine, penipo ndinguza, pengavi munthu? Po ndadananga pengavi wakwamuka? Kumbi janja langu likufupiskika, kuti litondeka kuwombo? Pamwenga kumbi ndilivi nthazi za kutaskiya? Ehe, ndi kuchenya kwangu ndimizga nyanja, misinji ndiyisanduska bozwa; somba zawo zinunkha chifukwa chakuwura maji, ndipo zitufwa chiparantha.

Ezekiele 47:8

Wangundinene, “Maji yagha ghasikiya ku chigaŵa chaku vuma, ndipo gharuta mpaka mu Araba; ndipo po ghasere mu maji ghaheni ghamu nyanja, maji ghamu nyanja gho ghakaŵanga ghamampha.

Nahumu 1:4

Achenya nyanja ndi kuyikamuska, aphwiska misinji yose; Bashani ndi Karmele ŵafota, luŵa laku Lebanoni nalo lifota.

Habakuku 3:8

Kumbi kandundu kinu kenga pa misinji, Ambuya? Kumbi ukari winu wenga pa misinji, pamwenga kutundiya kwinu pa nyanja, pa gareta linu la upundi?

Chituwa 14:22

Ndipo ŵaYisraele ŵangusere mukati mu nyanja pa mtunda uyumu, maji ghanguŵa chimati kwaku wo ku marghe ghawo ndi ku maze ghawo.

Chituwa 14:29

Kweni ŵaYisraele ŵangwenda pa mtunda uyumu mukati mu nyanja, maji ghenga chimati kwaku wo, ku janja lawo la marghe ndi ku maze kwawo.

Chituwa 15:8

Ndi mvuchi wa mphunu zinu, maji ghanguwunjikika, ndipo mweza wa maji unguma ndundo; ndimba zingukhoma mukati mwa nyanja.

Yoswa 4:22

Muŵaziŵiskenge ŵana ŵinu kuti, ‘Yisraele wangwambuka Yordane uyu pa mtunda uyumu.’

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 12:3

ndi Araba, ku nyanja ya Kineroti ku chiri ku vuma, ndi kurata ku Betejeshimoti, ku nyanja ya Araba, Nyanja ya Mche, kuchiri ku malaŵi kuya kusina kwa sendemu za Pisiga;

Yoswa 16:7

kutuwa ku Yanoa yisikiya ku Ataroto mpaka ku Nara, yikwaska ku Yeriko, ndi kugota pa Yerdane,

Ŵeruzgi 7:22

Penipo ŵanthu machumi pe chumi ghatatu (300), ŵangumba mbata zo Ambuya anguchitiska kuti lipanga la munthu yose lingulasa munyake kuzunguliya ugoŵi wose; ndipo liŵanja la nkhondo linguthaŵa kwachifika ku Beteshita kurata ku Zerera, kwachifika ku mphaka ya Abele-mehola, pafupi ndi Tabata.

Sumu 78:13

Wangupatuwa nyanja wanguŵambuska, wanguchitiska maji kuti ghame nge nchiliŵa.