Yoswa 3:10 - Tonga Bible 1986

¹⁰ Yoswa wanguti, “Paku ichi mukaziŵanga kuti Chiuta wamoyo we mukati mwinu ndikuti kwambura kutondeka wakadikiskanga paurongo pinu ŵaKanani, ŵaHiti, ŵaHivi, ŵaPerezi, ŵaGirgashi, Amori, ndi ŵaYebusi.

Yoswa 3:10 Referans Kwoze

Marangu 7:1

“Penipo Ambuya Chiuta winu wamukukutoriyani mu charu mwakucho musere kwachironda kuti chiŵe chinu, kudikiskiya kutali mitundu yinandi kutuwa pa maso pinu, ŵaHiti, ŵaGirgashi, ŵaKanani, ŵaAmori ŵaPerizi, ŵaHivi, ndi ŵaYebusi, mitundu yinkhonde ndi yiŵi, yikuru ndi yanthazi kuruska imwe.

Chituwa 33:2

Ndipo ndikatumanga muthenga paurongo pinu, ndipo ndikadikiskangamo ŵaKanani, ŵaAmori, ŵaHiti, ŵaPerizi, ŵaHivi, ndi ŵaYebusi.

ŴaHebere 10:31

Nkhwakofya kuwa mu manja ghaku Chiuta wamoyo.

1 Samuele 17:26

Sono Davidi wangurongoro ndi ŵanthu wo ŵenga pafupi nayo, “Kukamuŵiyanganji munthu yo wangabaya muFilisti uyu, ndi kutuzgapo chitozeru pa Yisraele? Pakuti ndiyani nayo muFilisti wambura kuchinjika uyu, kuti wanyozenge maŵanja ghaku Chiuta wamoyo?”

Yeremiya 10:10

Kweni Ambuya ndi Chiuta wauneneska; iyo ndi Chiuta wamoyo ndi Karonga wamuyaya. Pa ukari wake charu chiyaghayika, ndipo mitundu kuti yingakunthiyapo kukwiya kwake cha.

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

Yoswa 22:31

Finehasi mwana waku Eleazara mzukuru wangunena ndi ŵina Rubene, Gadi ndi ŵina Manase, “Zuŵa lino tiziŵa kuti Ambuya ŵemukati mwidu, chifukwa mulivi kuchita chigaruka ku Ambuya; sono mwataska ŵaYisraele ku janja la Ambuya.”

Marangu 31:17

Sono ndazamukaripiya wo mu zuŵa lenilo, ndipo ndikaŵasiyanga ndikubisa chisku changu kwaku wo, ndipo ŵakaphwanyikanga, ndipo viheni vinandi ndi masuzgu vikazanga paku wo viyo ŵakakambanga mu zuŵa lo, ‘Ivi viheni pakutiziya ifwe, asi nchifukwa chakuti Chiuta widu mulivi mukati mwidu?’

Chituwa 3:8

Ndiziŵa maurwirwi ghawo, ndipo ndasika kuŵapozomoska ku ŵaEgipiti. Ndikaŵatuzganga mu charu chiya kuya nawo ku charu chamampha ndi chisani, charu cha mukaka unandi ndi uchi unandi. Cho ndi charu cha ŵaKanani, ŵaHiti, ŵaAmori, ŵaPerizi, ŵaHivi, ndi ŵaYebusi.

1 ŴaTesalonika 1:9

Chifukwa iwo ŵeneko ŵakamba gha kurondereka kwidu kwaku imwe ko tinguŵa nako, ndimo mungung'anamukiya kwaku Chiuta kutuwako ku vyangoza kwachiteŵete Chiuta wamoyo ndi muneneska,

Hoseya 1:10

Ndipuuli unandi wa ŵaYisraele uŵenge nge ndi mchenga wamu nyanja weniwo kuti ungapimika chingana nkhuŵerengeka cha; ndipo mu malo mwenimo mungukambikiya kwaku iwo, kuti, “Ndimwe ŵanthu ŵangu cha,” mwenimo so ndimo kukakambikiyanga kwaku iwo kuti, “Ŵana ŵaku Chiuta wamoyo.”

Sumu 9:16

Ambuya ajiziŵiska ŵeneko, achita cheruzgu; ŵaheni ŵawira mu nchitu za manja ghawo.

Marangu 5:26

Pakuti ndiyani wa ŵamoyo wose yo wavwa mazu ghaku Chiuta wamoyo wakukamba mukati mu moto nge ndifwe, ndipo weche wamoyo?

Mateyu 16:16

Ndipo Simoni Petro wakwamuka, wanguti, “Imwe ndimwe Kristu, Mwana waku Chiuta wamoyo.”

Yesaya 7:14

Chifukwa ichi Ambuya ŵeneko ŵakakupaskaninga chisimikizgu. Ehe, munthukazi mwali wakazuukanga wapapenge mwana munthurumi, ndi wadanenge zina lake Immanuele.

1 ŴaKaronga 22:28

Ndipo Mikaya wanguti, “Asani wamuwe mu chimangu, iku Ambuya kuti angukambiya mwangu cha.” Ndipo iyo wanguti, “Avwani, mwa ŵanthu!”

Yoswa 21:45

Pengavi limoza la mapanganu ghose ghamampha gho Ambuya anguchita ku nyumba yaku Yisraele lingutondeka; ghose ghangufiskika.

Chituwa 17:7

Ndipo wangudana zina la malo gha Masa ndi Meriba, chifukwa cha kutundula kwa ŵana ŵaku Yisraele; ndi chifukwa ŵangwesa Ambuya pakukamba kuti, “Kumbi Ambuya ŵe mukati mwidu, pamwenga awa?”

Yohane 6:69

Ndipo ifwe tavwana ndipo taziŵa kuti imwe ndimwe wakupaturika yo waku Chiuta.”

Marangu 7:21

Mungaŵawopanga pakuti Ambuya Chiuta winu we mukati mwinu, Chiuta wanthazi ndi wakofya.

Yoswa 3:9

Ndipo Yoswa wangunena ndi ŵaYisraele, “Zani kunu muvwi mazu gha Ambuya Chiuta winu.”

Yoswa 9:1

Penipo ŵakaronga wose wo ŵenga kusirgha ku Yordane mu charu cha mapiri ndi cha chidika ndi mu likumba lose la Nyanja Yikuru kurazga ku Lebanoni, ŵaHiti, Amoni, ŵaKanani, ŵaPerse, ŵaHivi ndi ŵaYebusi, ŵanguti ŵavwa ichi,

1 Samuele 26:6

Davidi wangunena ndi Ahimeleke mu Hiti, ndi mbali waku Yoabu Abishai, mwana waku Zeruya, “Ndiyani yo wangasikiya pamoza nane ku ugoŵi waku Sauli?” Abishai wanguti, “Ndirutenge namwe.”

Sumu 42:2

Mzimu wangu uparanthukiya Chiuta, Chiuta wamoyo. Ndizenge zuŵanji ndi kulereska chisku chaku Chiuta?

Chiyambo 15:21

Amori, ŵaKanani, ŵaGirgashi, ndi ŵaYebusi.”

Maŵerengedu 13:29

Ŵina Amaleke ŵaja mu charu chaku mwela; ŵaHiti, ŵaYebusi ndi ŵaAmoni ŵaja mu charu cha mapiri; ŵaKanani ŵaja ku nyanja, ndi mumphepete mwa Yordane.”

Yoswa 11:3

ku ŵaKanani ku vuma ndi ku zambwe, Amori, ŵaHiti, ŵaPerese, ndi ŵaYebusi mu charu cha mitunthu ndi ŵaHivi ŵa pasi paku Hermoni mu charu cha Mizpa.

Yoswa 12:8

mu charu cha mtunthu, mu charu cha chidika, mu Araba, mu masendemu, mu mabozwa, ndi mu Negebu, charu cha ŵaHiti, Amoni, ŵaKanani, ŵaPerese, ŵaHivi, ndi ŵaYebusi):

Yoswa 24:11

Ndipo mungwambuka Yordane munguza ku Yeriko, ŵanthu ŵaku Yeriko ŵangurwana namwe, ndi Amori nawo, ŵaPereze, ŵaKanani, ŵaHiti, ŵaGirgashi, ŵaHivi ndi ŵaYebusi; wose yaŵa ndinguŵapereka mu janja linu.

1 Mikoka 1:14

ndi ŵaYebusi, ŵaAmori, ŵaGirgashi,