Yoswa 24:31 - Tonga Bible 1986

³¹ Yisraele wangutataliya Ambuya mu nyengo yose ya umoyo waku Yoswa, ndi mu mazuŵa ghose gha ŵara wo ŵenga ŵamoyo kurutiliya paku Yoswa wo ŵanguziŵa nchitu zose zo Ambuya anguchitiya Yisraele.

Yoswa 24:31 Referans Kwoze

Ŵeruzgi 2:7

Ndipo ŵanthu ŵangutataliya Ambuya mu mazuŵa ghose ghaku Yoswa, ndi mu mazuŵa ghose gha ŵaraŵara wo ŵanguŵa ndi umoyo wati wafwa Yoswa, wo ŵanguwona nchitu zikuru zo Ambuya anguchitiya Yisraele.

Marangu 31:13

ndipo ŵana ŵawo, ŵeniwo kuti ŵanguziŵa dangu cha ŵaliziŵe, ŵavwenge ndi kusambira kopa Ambuya Chiuta winu, nyengo yose yo mukajariyanga mu charu cho muserenge kwachiŵa chinu pa mwambuka Yordane.”

Marangu 31:29

Pakuti ndiziŵa kuti pavuli pa nyifwa yangu, kwakuneneska mwazamuchita kwaunyakazi ndi kupatuka mu nthowa yo ndamulanguliyani, ndipo mu mazuŵa gho ghakazanga, chiheni chikamuŵiyaninga chifukwa mukachitanga cho nchiheni mu maso gha Ambuya, kuŵakaripiska ndi nchitu za manja ghinu.”

Marangu 11:2

Ndipo ghanaghanani zuŵa lino (pakuti ndikamba ku ŵana ŵinu cha ŵeniwo ŵachiziŵa cha pamwenga ŵalivi kuchiwona), ghanaghanani kuti Ambuya Chiuta winu wamurongoni, kumbukani ukuru wake, janja lake lanthazi ndi mkono wake wakunyoroka,

ŴaFilipi 2:12

Viyo na, mwaŵakwanjiwa ŵangu, uli ndimo nyengo zose mwavwiyanga ndi penipo ndinguŵako kwinu pe cha kweni ukongwa limu sono pa kuŵako kwangu kunyake, takatakiyani utaski waku mwaŵeni mu wofi ndi chitenthe;

Machitidu gha Ŵakutumika 20:29

Ine ndiziŵa kuti pavuli pa chiruta changu mphumphi zakusaruka zazamseremu mwaku imwe zambura kuwulekezga mskambu wo;

2 Mikoka 24:2

Ndipo Yoashi wanguchita kwakurunjika pa maso gha Ambuya mu mazuŵa ghose ghaku Yehoyada mzukuru.

Marangu 11:7

Maso ghinu ghanguwona nchitu zose zikuru zo ŵanguzichita.

Chiyambo 14:10

Sono mu dambo la Sidimi munguŵa vibokuboku vya maziu; ndipo ŵachithaŵa ŵakaronga ŵa Sodomu ndi Gomora, ŵanyake ŵaku wo ŵanguwa mwaku vyo, ndipo wo ŵangujapo ŵanguthaŵiya ku phiri.

Ŵeruzgi 2:6

Yoswa wati wambininiska ŵanthu, ŵanthu ŵaku Yisraele ŵanguruta we yose ku chihara chake kwachito charu cho kuŵa chawo.

Ŵeruzgi 2:10

Ndipo mgonezi wose wuwa unguwunjikika ku auskeu; ndipo kunguyuka mgonezi unyake pavuli pawo, wo wengavi kuziŵa Ambuya pamwenga nchitu yo anguchitiya Yisraele.

2 Mikoka 34:33

Ndipo Josiya wangutuzgamo ukazuzi wose mu vyaru vyose vyaku Yisraele ndi kuchichizga wose wo ŵengamo mu Yisraele kuti watatariye Ambuya Chiuta wawo. Mu mazuŵa ghose ghaku iyo kuti ŵangupatuka cha kureka kurondo Ambuya Chiuta wa Ambuyawo.