Yoswa 24:29 - Tonga Bible 1986

²⁹ Pavuli pa vinthu ivi Yoswa mwana waku Nuni, mteŵeti wa Ambuya wangufwa, wenga wa virimika machumi pe chumi ndi chumi limoza (110).

Yoswa 24:29 Referans Kwoze

Ŵeruzgi 2:8

Ndipo Yoswa mwana waku Nuni, mteŵeti wa Ambuya, wangufwa pa ura wa virimika machumi pe chumi ndi chumi limoza (110).

Chivumbuzi 14:13

Ndipo ndinguvwa mazu ghakutuliya kuchanya, ghakuti, “Lembapo, Mbamwaŵi ŵakufwa wo ŵafwiya mu Mbuya kwanda kunu ku sono! Mbakutumbikika nadi,” watiti Mzimu yo, “kuti ŵapumuwe ku mautakataka ghawo; pakuti nchitu zawo zirondorana nawo.”

Sumu 115:17

Ŵakufwa kuti ŵarumba Ambuya cha, pamwenga nanga njumoza yo wasikiya ku malo gha chetechete.

Marangu 34:5

Viyo Mosese mteŵeti wa Ambuya wangufwiya penipa mu charu chaku Moabu, kwakuyana ndi mazu gha Ambuya,

Chiyambo 50:26

Viyo Yosefe wangufwa, penipo wenga wa virimika machumi pe chumi ndi chumi limoza (110) mu umoyo wake; ndipo ŵangumupaka vyachema ndipo wanguŵikika mubokosi mu Egipiti.

Chiyambo 50:22

Viyo Yosefe wanguja mu Egipiti, iyo ndi nyumba ya awiske ndipo Yosefe wenga wamoyo virimika machumi pe chumi ndi chumi limoza (110).

Yoswa 24:28

Viyo Yoswa wanguŵatuma ŵanthu ŵarutenge, munthu yose ku chihara chake.

Yoswa 24:30

Ndipo ŵangumuŵika mu chihara chake pa Timnatisera, yo wemu charu cha mtunthu cha ku Efraimu, ku nkhonde kwa phiri la Gashi.

Ŵeruzgi 2:9

Ndipo ŵangumuŵika mukati mwa chihara chake mu Timnaheresi mu charu cha mitunthu chaku Efraimu, kuchiri ku nkhonde kwa phiri la Gashi.