Yoswa 24:21 - Tonga Bible 1986

²¹ Ŵanthu ŵangukamba ndi Yoswa, “Awa tikatataliyanga Ambuya.”

Yoswa 24:21 Referans Kwoze

Yesaya 44:5

Uyu wakambanga, ‘Nde wa Ambuya,’ munyake wakajidananga ndi zina laku Yakobe, ndi munyake wakalembanga pa janja lake, ‘Wa Ambuya,’ ndi kujipaska chiwongo cha zina laku Yisraele.”

Chituwa 20:19

ndipo ŵanguti kwaku Mosese, “Iwe ndiwe urongoronge nafwe ndipo tikavwanga; kweni Chiuta wareke kukamba nafwe vinu tingafwa.”

Chituwa 19:8

Ndipo ŵanthu wo ŵangwamukiya pamoza, ndi ŵanguti, “Vyose vyo Ambuya akamba tikachitanga.” Ndipo Mosese wangunene Ambuya mazu yagha gha ŵanthu.

Marangu 26:17

Mwataula msana wale gha pa Ambuya, kuti ndiwo Chiuta winu, ndi kuti mukendanga mu nthowa zake zose, ndi kusunga malangulu ghake ndi marangu ghake ndi vyeruzgu vyake, ndi mukavwiyanga mazu ghake.

Chituwa 24:7

Sono wanguto buku la chipanganu, ndi wanguliŵerenga mu makutu gha ŵanthu; ndipo iwo ŵanguti, “Vyose vyo Ambuya akamba tikachitanga, ndipo tikaŵanga ŵakuvwiya.”

Chituwa 24:3

Mosese wanguza ndi wanguŵakambiya ŵanthu mazu ghose gha Ambuya ndi vyeruzgu vyose; ndipo ŵanthu wose ŵangwamuka ndi mazu ghamoza, ndi ŵanguti, “Mazu ghose gho Ambuya akamba tikachitanga.”

Yoswa 24:20

Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

Yoswa 24:22

Sono Yoswa wangunena nawo, “Mwe ŵakaboni paku mwaŵeni kuti mwasankha Ambuya kuŵateŵete iwo.” Ŵanthu ŵanguti, “Te ŵakaboni.”