Yoswa 24:20 - Tonga Bible 1986

²⁰ Asani musiyenge Ambuya ndi kutataliya ŵachiuta ŵachilendo, po ndipo wakang'anamukanga ndi ku muchitiyani urwani, kukumarani, pavuli pakukuchitiyani umampha.”

Yoswa 24:20 Referans Kwoze

Machitidu gha Ŵakutumika 7:42

Kweni Chiuta wangung'anamuka, ndipo wanguŵapereka kwachiteŵete liŵanja la machanya uli ndimo kwalembeke mu buku la ŵamchimi: ‘Kumbi mungunditole vyakubayika ndi visopu, virimika machumi ghanayi (40) mu bozwa wanyumba we waku Yisraele?

Ezekiele 18:24

Kweni asani murunji watuwako ku urunji wake ndi kuchita mphurupuru wachita vyaunyakazi vyo munthu muheni wachita, kumbi wakaŵanga ndi umoyo? Palivi chimoza cha vyaurunji vyo wanguchita chikakumbukikanga; chifukwa cha kunanga ko wananga ndi uheni wo wachita, wakafwanga.

Yeremiya 17:13

Ambuya mwe, gomezgu laku Yisraele, ndakuti, wose wo ŵatikujowoni ŵakalengeskekanga; wo ŵarekana namwe ŵakalembekanga mu charu chapasi, pakuti ŵajowo Ambuya, wo nchisima cha maji gha umoyo.

1 Mikoka 28:9

“Ndipo iwe Solomoni mwana wangu umuziŵe Chiuta wa ausu, umutatariye ndi mtima wakufikapo, ndi umoyo wakuzomera; chifukwa Chiuta wapenjapenja mitima yose, ndipo waziŵa lunguluku le lose. Asani utumpenja umusaniyenge; kweni asani utumureka wakutayenge muyaya.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Yesaya 1:28

Kweni vigaruka ndi ŵaheni ŵakaphwanyikiyanga pamoza, ndi wose wo ŵakana Ambuya ŵakamaranga.

Ezra 8:22

Chifukwa ndenga ndi soni kupempha kutipaska ŵankhondo ndi ŵapakavalo kutivikiriya ku ŵarwani mu nthowa, tingumunene karonga kuti, “Janja laku Chiuta widu le paku wose wo ŵatumwanja, kuŵachitiya umampha, ndipo ukuru wake we ndi nthazi kwananga wose wo ŵatumujowo.”

2 Mikoka 15:2

ndipo wanguruta kwa chikumana ndi Asa, ndipo wanguti kwaku iyo, “Mundivwe Asa ndi Yuda yose ndi Benjamini: Ambuya ŵe namwe penipo mweche nawo, Asani mutumpenja mumusaniyenge, kweni asani mutumjowo nayo wamjowoninga.

ŴaHebere 10:38

Kweni murunji wangu yo mu chivwanu wajariyenge wamoyo: ndipo asani wawere vuli umoyo wangu kuti ukondwere mwake cha.”

Marangu 4:25

“Penipo mwapapa ŵana ndipo mwendi ŵazuku, ndipo mwakotiyamu mu charu, asani muchita ulakwi pakupanga chikozgu chakusemeka mu chikozgu cha kanthu kose, ndi pakuchita uheni pa maso gha Ambuya Chiuta winu kumukwiyiska,

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

Yoswa 24:21

Ŵanthu ŵangukamba ndi Yoswa, “Awa tikatataliyanga Ambuya.”

1 Samuele 12:15

kweni asani murekenge kuvwiya mazu gha Ambuya, ndi kuthaŵako ku marangu gha Ambuya, janja la Ambuya liŵenge lakumikana namwe, imwe ndi karonga winu.

1 Samuele 12:25

Kweni asani mweche kurutiliya mu viheni, mukaparghang'ikanga mose, imwe ndi karonga winu.”

1 Mikoka 28:8

Viyo sono paurongo paku Yisraele yose khamu la Ambuya, ndi mu makutu ghaku Chiuta widu, sungani ndi penjani marangu ghose gha Ambuya Chiuta winu mwakuti charu ichi chamampha chiŵi chinu, chiŵenge chihara cha ŵana ŵinu muyaya pavuli pinu.

Sumu 89:31

asani ŵakaswanga malangulu ghangu ndi kureka kusunga marangu ghangu,