Yoswa 24:19 - Tonga Bible 1986

¹⁹ Kweni Yoswa wangunena nawo, “Kuti mungaziŵa kutataliya Ambuya cha; pakuti ndi Chiuta mtuŵa; ndi Chiuta wasanje; kuti wakagowokiyanga maubendezi ghinu pamwenga vilakwa vinu cha.

Yoswa 24:19 Referans Kwoze

Yesaya 5:16

Kweni Ambuya ŵa maŵanja ŵakuzgika mu cheruzgu chirunji, ndipo Chiuta wakupaturika watijirongo wakupaturika mu urunji.

Chituwa 23:21

Mumuvwiyenge ndi kutegherezga mazu ghake, mungamugarukiyanga cha, pakuti kuti wakagowokiyanga mamphuru ghinu cha; pakuti zina langu le mwake.

Sumu 99:9

Tumbikani Ambuya Chiuta widu, ndipo musopeni pa phiri lake lakupaturika! Ambuya, Chiuta widu ndi mtuwa!

Sumu 99:5

Tumbikani Ambuya Chiuta widu; sopani paurongo pa chitengo chake! Wakupatruika ndiyo!

ŴaLevi 19:2

“Nena ku mpingu wose wa ŵaYisraele kuti, Mukaŵanga ŵatuŵa; pakuti Ine Ambuya Chiuta winu nde mutuŵa.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

1 Samuele 6:20

ŵanthu ŵaku Beteshemeshe ŵanguti, “Njani waziŵa kuma paurongo pa Ambuya, Chiuta mtuŵa uyu? Ndipo wakakweriyanga kwaku yani kutuwako kwidu?”

Chituwa 34:14

(pakuti kuti mukasopanga so chiuta munyake cha, pakuti Ambuya, Yo zina lake ndi Sanje, ndi Chiuta wa sanje),

Mateyu 6:24

“Palive yumoza waziŵa kuteŵete ambuya ŵaŵi: chifukwa pamwe wamtinkhenge yumoza, ndi wamwanjenge munyake; pamwenga wajiperekenge ku yumoza, ndi wamtozenge munyake. Kuti muziŵa kuteŵete Chiuta ndi chuma so cha.

Yesaya 30:15

Pakuti viyo atiti Ambuya Chiuta, Mtuŵa yo Yumoza waku Yisraele, “Pakuwe ndi kupumuwa mukataskikanga; mu chisisi ndi mu chigomezgu mukaŵanga nthazi yinu.”

Yesaya 30:11

rekani nthowa, patukaniko ku nthowa, tingavwanga so cha gha Mtuŵa Yumoza yo waku Yisraele.”

2 Mikoka 36:16

Kweni ŵanguseka ndi kuyuyuwa mathenga ghaku Chiuta ndi kuyeya mazu ghake, ŵanguŵa nyoza ŵamchimi ŵake, mpaka kandundu kaku Chiuta kanguŵayukiya ŵanthu ŵake, mpaka kungusoŵa chakupozge.

1 Samuele 3:14

Pa chifukwa ichi ndarapa ku nyumba yake Eli kuti uheni wapa nyumba yaku Eli kuti ukatozgekanga ndi sembe pamwenga mpasku cha muyaya.”

Ruti 1:15

Ndipo Naomi wanguti, “Wona muwoli munyako wawere ku ŵanthu ŵake, ndi ku ŵachiuta ŵake: uweko nawe rondo muwoli munyako.”

Yoswa 24:23

Yoswa wangunena nawo, “Iku tayani ŵachiuta ŵachilendo wo ŵe mukati mwinu, ndipo ŵikani mtima winu pa Ambuya, Chiuta waku Yisraele.”

ŴaLevi 20:26

Imwe mukaŵanga ŵakupaturika kwangu; pakuti ine Mbuyamwe nde wakupaturika ndipo ndakupatuwaniko ku mitundu ya ŵanthu, alinga kuti muŵenge ŵangu.

ŴaLevi 10:3

Sono Mosese wanguti kwaku Aroni, “Ichi ndicho Ambuya akamba, ‘ndikajirongonga mtuŵa mwaku weniwo ŵe pafupi nane, ndipo paurongo pa ŵanthu wose ndikaŵanga ndi unkhankhu.’ ” Ndipo Aroni wanguja chisisi.

Habakuku 1:13

Imwe mwe ndi maso ghatuŵa gho kuti ghalereska uheni cha, ndipo kuti mulereska pa ubudi cha, kumbi mulereskiyanji pa ŵanthu ŵambura chigomezgu, ndikuja ŵaka chete asani muheni wanyenga munthu murunji yo waruska iyo?

Yesaya 27:11

Zititi zamira mphanda zake, zifyoka, ŵanthukazi ŵatuza kuzachidewa nkhuni za moto. Pakuti yaŵa mbanthu ŵambura kuteska, chifukwa cho wakiŵalenga yo kuti wakaŵanga nawo ndi lisungu cha, mweniyo wanguŵaumba kuti wakaŵarongonga wezi so cha.

Chituwa 34:7

wakusunga chanju cha wezi ku vikwi, wakugowoke vilakwa, mautimbanizgi ndi uheni; kweni kuti wakamulekanga ŵaka wakunanga cha, wakusiskiya pa ŵana uheni wa auskeu ndi ŵazuku ku mgonezi wa chitatu ndi wa chinayi.”

ŴaLevi 20:7

Chifukwa cho jipatuweni, muŵenge ŵakupaturika: pakuti Ine ndine Ambuya Chiuta winu.

Yoswa 24:18

ndipo Ambuya angudikiska ŵanthu wose paurongo pidu, ŵaAmori wo ŵajanga mu charu ichi; chifukwa chenichi nafwe so titataliyenge Ambuya; pakuti ndiyo Chiuta widu.”

Sumu 99:3

Ŵarumba zina linu likuru ndi lakofya! Wakupaturika ndiyo!

Nahumu 1:2

Ambuya ndi Chiuta wasanji ndi wakuwezge thayu, ndi wakukaripa, Ambuya awezge thayu pa ŵakupindikana ŵawo, ndipo aŵikiya ukari pa ŵarwani ŵawo.

ŴaLevi 11:44

Pakuti Ine nde Ambuya Chiuta winu; viyo mujipatuwe mwija, muŵe ŵatuŵa pakuti Ine nde mtuŵa. Mureke kujikazuzga ndi chinthu chose chakukwaŵa cho chikwaŵa pa charu chapasi.

ŴaLevi 11:45

Pakuti Ine nde Ambuya wo angukutuzgani mu charu cha Egipiti, kuŵa Chiuta winu; chifukwa chenichi mukaŵanga ŵatuŵa, pakuti Ine nde mtuŵa.”

Yesaya 2:9

Viyo munthu wajiyuyuwa ndipo ŵanthu ŵawere pasi, ungaŵagowoke cha!