Yoswa 23:7 - Tonga Bible 1986

⁷ kuti mureke kusazgikana ndi mitundu iyi yasiyika mukati mwinu, pamwenga kuzumbuwa mazina gha ŵachiuta ŵawo nanga nkhurapiya mwaku wo, pamwenga kuŵatataliya, nanga nkhu ŵajikamiya,

Yoswa 23:7 Referans Kwoze

Chituwa 23:13

Phwereni vyose vyo ndakamba namwe; ndipo mungazumbuwanga mazina gha ŵachiuta ŵanyake cha, chingana nkhughazomerezga kuvwika mu mlomo winu cha.

Yeremiya 5:7

“Ndingamugowokiyani uli? Ŵana ŵinu ŵakundisiya ine ndipo ŵarapiya paku wo kuti mba chiuta cha. Penipo ine ndinguŵahiŵa kwakuguta iwo ŵangureŵa, ndipo ŵangusere ŵanandi mu nyumba za ŵareŵi.

Sumu 16:4

Wo ŵasankha ŵachiuta ŵamwenga kuti ndisanganenge nawo mu sembe zawo cha; kuti nkhasopanga ŵachiuta ŵawo cha.

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

ŴaEfeso 5:11

ndipo mungasangana ndi nchitu zambura vipasi za mdima, kweni viŵiviŵi muzisuske nadi;

1 ŴaKorinte 15:33

Mungaranda cha: “Mabwezi ghaheni ghatananga majaridu ghamampha.”

Zefaniya 1:5

ndi wo ŵasopa pachanya pa nyumba, maŵanja gha kuchanya; ndi wo ŵasopa ndi kurapa ku Ambuya, ndipuuli ŵarapa Milikomu;

Nthanthi 4:14

Ungaserenga mu nthowa ya ŵaheni cha, ndipo ungendanga mu nthowa ya ŵanthu ŵaheni cha.

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

Hoseya 2:17

Chifukwa nkhatuzangamo mazina gha ŵaBala mu mlomo wake, ndipo kuti ghazumbulikenge so cha mazina ghawo muyaya.

Maŵerengedu 32:38

Nebo ndi Bala-meono (mazina ghawo ghakasinthikanga), ndi Sibima; ndipo misumba yo ŵanguzenga ŵanguyidana mazina ghanyake.

Chituwa 20:5

kuti ukavilambiyanga chingana nkhuvitataliya cha; pakuti ine Ambuya Chiuta wako ndine Chiuta wa sanji, wakusiskiya pa ŵana uheni wa auskeu, mpaka ku mwandanu wa chitatu ndi wachinayi waku wo ŵatinditinkha;

Marangu 6:13

Muŵawope Ambuya Chiuta winu, ndi kuŵateŵete, ndi kurapa ndi zina lawo.

Marangu 10:20

Mopenge Ambuya Chiuta winu, mukamuteŵetiyanga ndi kumusiya cha, ndi kurapa pa zina lake.

Yoswa 23:8

kweni meremetiyani Ambuya Chiuta winu nge ndimo mwachitiya kufika ku zuŵa lino.

Yeremiya 12:16

Ndipo kukaŵanga kuti asani ŵakasambiranga ndi phamphu nthowa za ŵanthu ŵangu, kurapiya ndi zina langu, ‘Achiŵa amoyo Ambuya,’ uli ndimo ŵangusambizgiya ŵanthu ŵangu kurapa paku Bala, po ndipo wakazengekanga mukati mu ŵanthu ŵangu.

Maŵerengedu 33:55

Kweni asani mureka kuŵadikiska ŵeni charu pa maso pinu, wo mukaŵazomerezganga kuja ŵakaŵanga nge ndi zimphandu mu maso ghinu nge ndi minga mu mbaghara zinu, ŵakamusuzganinga mu charu chomujamo.

Marangu 6:14

Mungarondonga ŵachiuta ŵanyake, ŵachiuta ŵa ŵanthu wo ŵakukuzungulizgani;

2 ŴaKaronga 5:18

Mu makani yagha mphanyi Ambuya agowoke mteŵeti wako, penipo mbuyangu wasere mu nyumba yaku Rimoni kwachisopa muwa, kuyegeme pa janja langu, ndipo ine ndichiko tamiya pasi mu nyumba yaku Rimoni, po ndikotamiya pasi mu nyumba yaku Rimoni, Ambuya agowoke mteŵeti wako mu makani yagha.”

2 ŴaKaronga 17:12

ŵangutataliya ŵangoza, ŵeniwo Ambuya anguŵanene kuti, “Mungachitanga ichi cha.”

2 Mikoka 7:19

Kweni asani urazga kunyake, kureka vipangizgu vyangu ndi marangu ghangu vyo ndaŵika paurongo pako, ndi kuruta kwa chiteŵete ŵachiuta ŵanyake ndi kuŵasopa iwo,