Yoswa 23:6 - Tonga Bible 1986

⁶ Pa chifukwa ichi muŵe ŵakukoreska kusunga ndi kuchita vyose vyo vikulembeka mu buku laku Mosese, kwambura kung'anamukako kwaku lo kurazga ku marghe pamwenga ku maze,

Yoswa 23:6 Referans Kwoze

Marangu 28:14

asani kuti murandiya ku janja la marghe pamwenga ku maze cha, kusiya vyo ndikutauliyani zuŵa ili, ndi kurondo ŵachiuta ŵanyake ndi kuŵateŵete.

Marangu 5:32

Viyo muŵe ŵakuphwere kuchita nge ndimo Ambuya Chiuta winu wakulanguliyani, mungang'anamukiyanga ku marghe pamwenga ku maze cha.

ŴaHebere 12:4

Pakulimbiyalimbiya pa ulakwi, mundamirane mpaka ku ndopa.

Marangu 17:20

Viyo mtima wake ureke kujikwezga pachanya pa ŵabali ŵake, ndi kuti wareke kusere pa dondo kupatukako ku dangu, manyi nkhu janja la marghe pamwenga ku la maze, alinga kuti wagonere ukongwa mu ufumu wake, iyo ndi ŵana ŵake, mu Yisraele.

Marangu 12:32

“Chinthu chose cho ndimulanguliyani mutenere kuphwere kuchita; mungasazgiyako pamwenga kutuzgako cha.

Chivumbuzi 21:8

Kweni nge nkhu ŵamantha, ndi ŵazirakuvwana, ndi ŵaunyakazi, ndi ŵambanda ndi ŵareŵi, ndi vyanusi, ndi ŵakusopa-ngoza, ndi ŵatesi wose, chigaŵa chawo nchamu nyanja yo yakukole moto ndi fukunyira yeniyo ndi nyifwa yachiŵi.”

1 ŴaKorinte 16:13

Khazgani, ngangamikani mu chivwanu chinu muŵe ulaka mbanthurumi.

Yeremiya 9:3

Ŵapinda malilime ghawu uli ndi uta; mu charu mwazara ndi kupusika, uneneska cha, pakuti ŵarutiriya kutuwa pa uheni kuya pa uheni, ndipo kuti ŵatindiziŵa cha ine, atiti Ambuya.

Sumu 101:3

kuti ndiŵikenge kanthu kaheni paurongo pa maso ghangu cha. Nditinkha nchitu zaku wo ŵapatukako kwaku Chiuta; kuti ndibatikanenge nawo nanga nkhamana cha.

Sumu 119:102

Kuti ndapatukako cha ku visimisimi vinu, pakuti ndimwe mukundisambizga.

1 ŴaKaronga 2:3

ndipo usunge dangu la Ambuya Chiuta wako, kwenda mu nthowa zake, ndi kusunga marangu ghake, malangulu ghake, vyeruzgu vyake, ndi visimisimi vyake, nge ndimo kwalembeke mu dangu laku Mosese, alinga kuti usakatenge mwaku chose cho uchita ndi kose ko urata;