Yoswa 23:2 - Tonga Bible 1986

² wangudana ŵaYisraele, wose ŵaraŵara ŵawo ndi ŵarongozgi, ŵeruzgi ŵawo ndi zinduna, Yoswa wanguti kwaku wo, “Ine sono ndakota nde wa virimika vinandi;

Yoswa 23:2 Referans Kwoze

Yoswa 24:1

Ndipo Yoswa wanguwunjika mafuku ghose ghaku Yisraele ku Shekemu, wangudana ŵaraŵara, ŵarongozgi, ŵeruzgi ndi zinduna; ndipo ŵanguza paurongo paku Chiuta.

1 Mikoka 28:1

Davidi wanguwunganiska zinduna zose za ŵaYisraele mu Yerusalemu zinduna za mafuka, ndi ŵarongozgi ŵa vigaŵa vyo vyateŵetiyanga karonga wakulamula wa vikwi, ŵakulamula ŵa machumi pe chumi, ŵasungi ŵa usambasi wose ndi ng'ombe zose vya karonga ndi ŵana ŵake pamoza ndi nduna za karonga, ndi vinkhara, ndi ŵankhondo wose ŵakuziŵiriya.

Marangu 31:28

Ndiwunjikiyeni kunu ŵara wose ŵa makhamu ghinu ndi ŵamazaza ŵinu, alinga kuti ndikambe mazu yagha mu makutu ghawo, ndi kudana charu cha kuchanya ndi charu chapasi kuchita ukaboni paku iwo.

Yoswa 23:3

ndipo mwawona vyose vyo Ambuya Chiuta winu wachita ku mitundu yose iyi chifukwa chinu, pakuti ndi Ambuya Chiuta winu mweniyo wamurwiyani nkhondo.

Yoswa 13:1

Sono Yoswa wangukota wakuŵa ndi virimika vinandi; ndipo Ambuya angunena nayo, “Wakota we wa virimika vinandi, ndipo charu cheche waka chikuru cho chingagaŵika.

1 Samuele 12:2

Sono, ehe, karonga watenda paurongo pinu, Ine ndakota ndendi nyivu, awonani, ŵana ŵangu ŵe pamoza namwe; ndipo ndenda paurongo pinu kutuwa pa unyamata wangu mpaka zuŵa linu.

1 ŴaKaronga 1:1

Sono karonga Davidi wangukota wenga ndi virimika vinandi ukongwa, ndipo chingana ŵangumuvwinkha ndi saru zinandi kuti wanguvwa chifundizi cha.

1 ŴaKaronga 8:1

Pavuli Solomoni wanguwunjika pamoza ŵara ŵaku Yisraele, ndi ŵarongozgi wose ŵa mafuku, ŵarongozgi ŵa nyumba za auskeu ŵa khamu laku Yisraele, paurongo pa karonga Solomoni mu Yerusalemu, kwachito bokosi la phanganu la Ambuya kutuwa mu msumba waku Davidi, wo ndi Zioni.

1 Mikoka 23:2

Davidi wanguwunganiska ŵarongozgi wose ŵaku, Yisraele, ndi ŵazukuru ndi ŵaLevi.

1 Mikoka 27:27

msungi mura wa minda ya mphereska wenga Shimei muRamati, musungi mura wa vipasi vya mphereska ndi vyakujamo vinyu, wenga Zebdi muShifimu.