Yoswa 23:13 - Tonga Bible 1986

¹³ ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.

Yoswa 23:13 Referans Kwoze

Marangu 7:16

Muparghang'enge ŵanthu wose ŵeniwo Ambuya Chiuta winu waŵaperekenge kwaku imwe. Jiso linu lireke kuŵafwiya lisungu nanga nkhuteŵete ŵachiuta ŵawo, pakuti ichi chiŵenge chiŵana kwaku imwe.

Maŵerengedu 33:55

Kweni asani mureka kuŵadikiska ŵeni charu pa maso pinu, wo mukaŵazomerezganga kuja ŵakaŵanga nge ndi zimphandu mu maso ghinu nge ndi minga mu mbaghara zinu, ŵakamusuzganinga mu charu chomujamo.

Chituwa 23:33

Kuti ŵakajanga mu charu chinu cha, vinu ŵangamulakwiskani kwaku ine; pakuti asani mukatataliyanga ŵachiuta ŵawo kwakuneneska chikaŵanga chiŵana kwinu.”

Luka 21:24

Ndipo ŵanyake ŵabayikenge ndi uyi wa lipanga, ndi ŵanyake ŵakorekenge nge mbamagoŵa ku mitundu yose, ndipo Yerusalemu waŵenge wakuphwatika ndi Mitundu, mpaka zifiskikenge nyengu za Mitundu.

Sumu 69:22

Magome ghawo paurongo pawo ghaŵaŵiye chiŵana; madghera ghawo gha sembe ghaŵaŵiye chikwiriki.

2 Timote 2:26

ndi kuti ŵangajiwezgako ku chikwiriki cha diabole, pakukoleka mkoli ndi iyo ku khumbo laku yo.

2 ŴaKaronga 25:26

Sono ŵanthu wose, ŵamana ndi ŵara, ndi ŵarongozgi ŵa maŵanja ghankhondo ŵangusoka, ndi ŵanguthaŵiya ku Egipiti, pakuti ŵangofyerwa ndi ŵaKaldiya.

Marangu 30:18

nditumuziŵiskani msana wale kuti mukamaranga. Kuti mukajangamo nyengo yitali cha mu charu cho mwamusere ndi kuchironda kuŵa chinu mutakuti mwambuka Yordane.

Marangu 29:28

ndipo Ambuya anguŵatuzga mu charu chawo ndi ukari ndi kandundu ufyu ndi kukwiya kukuru, ndi kuŵataya mu charu chinyake, uli ndimo kuliri msana wale.’

Marangu 4:26

zuŵa lino ndidana kuchanya ndi charu chapasi kuŵa ŵakaboni paku imwe kuti mwamuparghang'ika sosonukweni mu charu cho mutambukiyamo Yordane kwachironda kuŵa chinu, kuti mwamujamo nyengo yitali cha, kweni mwamupasuka.

2 ŴaKaronga 25:21

Ndipo karonga wa Babiloni wanguŵabaya pa Ribla mu charu chaku Hamati. Viyo Yuda wanguyoleke ku umkoli kumutuzga mu charu chake.

1 ŴaKaronga 11:4

Chifukwa penipo Solomoni wangukota ŵawoli ŵake ŵangupuruskiya mtima wake kukurondo ŵachiuta ŵamwenga; ndipo mtima wake kuti wenga wakuneneska kwakufikapo cha ku Ambuya Chiuta wake, nge ndi mo wenge mtima waku Davidi awiske.

Chituwa 10:7

Ndipo ŵaŵanda ŵaku Farao wanguti kwaku iyo, “Mpaka zuŵanji uyu munthu wakatiŵiyanga chiŵana ifwe? Muŵazomerezge yaŵa ŵanthu ŵarutenge, alinga ŵakatataliyenge Ambuya Chiuta wawo; kumbi ndasono undaziŵe kuti Egipiti wanangika?”

Chituwa 34:12

Mujichenjere, vinu mungachita nawo phanganu ŵakuja mu charu cho kweniko mutiya, vinu chingakuŵiyani chikhwiriki mukati mwinu.

Chituwa 34:16

Mungatole ŵana ŵinu ŵanthurumi ŵana ŵawo ŵanthukazi cha, vinu ŵana ŵawo ŵanthukazi ŵachitiyenge uheni ŵachiuta ŵawo ndi kuchitiska ŵana ŵinu ŵanthurumi uheni pakurondo ŵachiuta ŵawo.

Ezekiele 28:24

“Ndipo pa nyumba yaku Yisraele kuti pakaŵanga so kankhandi wakulasa pamwenga munga wakuŵapweteka cha mukati muŵa kuzengezgana ŵawo wose wo ŵanguŵayuyuwa. Penipo ndipo ŵakaziŵanga kuti ndine Ambuya.

Ŵeruzgi 2:21

Kutuwa sono kuti ndikadikiskanga paurongo pawo mtundu nanga ngumoza cha wa ŵamitundu wo Yoswa wangusiya wachifwa,

2 ŴaKaronga 17:18

Chifukwa cho Ambuya angukara ukongwa ndi Yisraele, ndipo anguŵatuzgapo pa maso pawo, pengavi yumoza wangujapo kweni khamu laku Yuda pe.

2 ŴaKaronga 17:20

Viyo Ambuya ŵangujowo mphapu yaku Yisraele anguŵayuzga ndipo anguŵapereka mu janja la ŵakunanga mpaka penipo anguŵadikiskapo pa chisku chawo.