Yoswa 23:11 - Tonga Bible 1986

¹¹ Jiphwereni imwe mwaŵeni, kwanja Ambuya Chiuta winu.

Yoswa 23:11 Referans Kwoze

Yoswa 22:5

Muphwere ukongwa kusunga langulu ndi dangu lo Mosese mteŵeti wa Ambuya wangulanguliya imwe, kwanja Ambuya Chiuta winu, ndi kwenda mu nthowa zake zose, kusunga malangulu ghake, kumeremete kwaku iyo, ndi ku mteŵete ndi mtima winu wose ndi ndi mzimu winu wose.”

ŴaRoma 8:28

Ndipo tiziŵa kuti vinthu vyose vichitiya pamoza ku umampha kwaku wo mbakumwanja Chiuta, kwaku ŵeniwo mbakudanikiya uli ndi chitema chake.

Nthanthi 4:23

Sunga mtima wako ndi kulereska kose, pakuti kwaku gho kupopoma tumisinje twa umoyo.

ŴaHebere 12:15

Lereskanipo vinu yumoza wangapereŵe ku wezi waku Chiuta; “vinu msisi” wakuti wa kurunda, pakutunda, ungamsuzgani, ndi mwaku wo ŵangakazuzgikiya ŵanandi;

1 ŴaKorinte 16:22

Asani munthu wareka kwanja Ambuya, waŵe wakutembeka. Ambuyafwe ŵatuza.

1 ŴaKorinte 8:3

Kweni asani yumoza watumwanja Chiuta, mweniyo waziŵikwa ndi iyo.

Chituwa 20:6

kweni nde wakuchitiya lisungu ku vikwi vya ŵanthu wo ŵatindanja ndi ŵasunga marangu ghangu.

ŴaEfeso 5:15

Viyo na, lereskani kaunthu po mutende, nge mbambura zeru cha, kweni nge mbazeru,

Luka 21:34

“Kweni jichenjeriyeni, vinu yingavimbirwa mitima yinu ndi mgutu, ndi vinyo mukari ndi maphuruputiro gha chijariyu chino, ndi zuŵa liya lingamuwiyani kwamabuchibuchi;

Marangu 4:9

“Mbwenu mujichenjere mwaŵeni ndi mufwiririyepo kusambira vinu mungaruwa vinthu vyo maso ghinu ghawona, vinu vingatuwamu mu mtima winu mazuŵa ghose gha umoyo winu.

Marangu 4:15

“Pa chifukwa ichi muchenje ukongwa. Pakuti munguwona chikozgu cha, pa zuwa lenilo Chiuta wangukamba namwa mu Horebe kutuwa mukati mu moto,

Yoswa 23:10

Munthu yumoza waku imwe wadikiska ŵanthu chikwi, pakuti mba Mbuya Chiuta winu yo watikurwiyani nge ndimo wangupangirana namwe.

Yoswa 23:12

Chifukwa asani muwere kuvuli, ndi kujibatika ku ŵakujapo, ŵa mitundu iyi ye mukati mwinu, kutorana nawo, mwakuti mutonge ŵanthukazi ŵawo ndi iwo kuto ŵinu,

Marangu 30:16

Asani mukavwiyanga marangu gha Ambuya Chiuta winu, gho nditumulanguliyani msana wale pakwanja Ambuya Chiuta winu, pakwenda mu nthowa zake ndi pakusunga marangu ghake ndi visambizgu vyake, ndi vyeruzgu vyake, po ndipo mukajanga ŵamoyo, ndi mwandanenge. Ndipo Ambuya Chiuta winu wakamutumbikaninga mu charu chomukaserengamo kwachichironda kuŵa chinu.

Marangu 30:20

pa kwanja Ambuya Chiuta winu, pa kuvwiya mazu ghake, ndi kumeremete kwaku iyo. Pakuti kachitidu kaviyo, kang'anamuwa umoyo kwaku imwe ndi unandi wa mazuŵa alinga kuti mujenge mu charu cho Ambuya angurapiya auskemwe, kwaku Abrahamu, Yisaki, ndi Yakobe kuŵapaska.”