Yoswa 22:8 - Tonga Bible 1986

⁸ wangunena nawo, “Weriyani ku mizi yinu ndi usambasi unandi, ndipo ndi ng'ombe zinandi, ndi siliva, golide, mkuŵa, chisulo, pamoza ndi vyakuvwara vinandi; gaŵanani ndi ŵabali ŵinu vya kuskoŵa vya ŵarwani ŵinu.”

Yoswa 22:8 Referans Kwoze

Maŵerengedu 31:27

ndipo gaŵani muskowo pa vigaŵa viŵi, pakati pa ŵankhondo wo ŵangamukurwa nkhondo, ndi khomu lose.

Nthanthi 3:16

Umoyo utali we ku janja lake la marghe; ku jenja la maze kwe vyuma ndi ulemu.

1 Samuele 30:24

Ndiyani yo wangamuvwani pa makani yagha? Chifukwa uli ndimo chiriri chigaŵa chaku yo wangusikiya ku nkhondo, viyo so ndimu chikaŵiyanga chigaŵa chaku yo wangusunga katundu; ŵagaŵanenge kwakuyana.”

ŴaHebere 11:26

ndipo wangweska tozu lo laku Kristu yo uromba ukuru ku usambasi wamu Egipiti pakuti wangulereskako ku chilambula-mphotu.

1 ŴaKorinte 15:58

Viyo na, mwa ŵabali ŵangu ŵakwanjiwa, muŵe ŵakuti gwa, ŵambura manderezgeka, ŵakufurwiya nyengo zose mu nchitu ya Ambuya, pakuziŵa kuti mu Mbuya mlimu winu kuti ngwawaka cha.

Sumu 68:12

ghakuti, “Ŵakaronga ndi nkhondo, zawo ŵathaŵa, ŵathaŵa!” Ŵanthukazi mu muzi ŵangugaŵana muskowo;

2 Mikoka 17:5

Pa chifukwa ichi Chiuta wangukhozga ufumu mu janja lake; ndipo Yuda yose wanguza ndi vyawanangwa kwaku Yehosafati; wenga ndi usambasi ndi ulemu ukongwa.

1 Samuele 30:16

Ndipo wanguti waruta nayo, ehe, ŵangubalarikiya uku ndi uku pa charu chose, ŵakurgha, kumwa, ndi kuvina, chifukwa cha vinthu vinandi vyo ŵanguskoŵa ku charu cha ŵaFilisti ndi charu cha Yuda.

2 Mikoka 32:27

Hezekiya wenga ndi usambasi unandi kwakuruska, ndi ulemu, wangujizenge vyakusungiyamo siliva ndi vya golide, ndi vya mya yakuzirwa, ndi vya chema, ndi vya nguru, ndi vya vitoweru vyose vyamtundu mtundu;

1 Mikoka 5:9

Ŵanguzenga so ku vuma mpaka ku kuserere kwa bozwa sirgha lino la msinji Efrate, chifukwa ng'ombe zawo zingwandana mu charu cha Gileada.