Yoswa 22:29 - Tonga Bible 1986

²⁹ Chitiŵiye kutali ifwe kuti tigarukiye Ambuya, ndikutuwako msana wale ku kurondo Ambuya pa kuzenga jochero la mpasku wakocha, mpasku wa ufwa, pamwenga sembe, kupambana ndi jochero la Ambuya Chiuta widu lo lituma paurongo pa chihema chake chakuwunganamo!”

Yoswa 22:29 Referans Kwoze

Yoswa 24:16

Penipo ŵanthu ŵangwamuka, “Tingasiya Ambuya cha kutataliya ŵachiuta ŵanyake;

ŴaRoma 9:14

Viyo tikatingenji na? Kumbi kwe uwura urunji kwaku Chiuta?

ŴaRoma 6:2

Kungaŵanga viyo cha! Taŵenifwe tingufwa ku ulakwi, tijaririyenge ŵamoyo so uli mwenimo?

ŴaRoma 3:6

Kungaŵanga viyo cha! Ipu Chiuta wamkweruzga uli charu?

2 Mikoka 32:12

Yo Hezekiya ndatinge wakutuzgamo malo ghake gha pachanya ndi viguŵa, ndi kulanguliya Yuda ndi Yerusalemu kuti, “Musopenge pa chiguŵa chimoza ndi kochiyapo vya chema”?

2 ŴaKaronga 18:22

Kweni asani unenenge kwaku ine, “Ifwe tiyegeme, pa Ambuya Chiuta widu,” asi ndi mweniyo malo ghake gha pachanya ndi majochero gha sembe Hezekiya wakutuzgamo ndi kukamba kwaku Yuda ndi Yerusalemu kuti, “Mukasopanga paurongo pa jochero ili mu Yerusalemu?”

1 ŴaKaronga 21:3

Kweni Naboti wanguti kwaku Ahabu, “Ambuya ŵakana kuti ndikupaske chihara cha ada.”

1 Samuele 12:23

Ndipo nge nkhwaku ine, chindiŵiyi kutali kuti ndi lakwi kumikana ndi Ambuya pa kureka ku murombiyani; ndipo ndimusambizgeninge nthowa yamampha ndi yakurunjika.

Yoswa 22:26

Rekani tinguti, ‘Tiyeni tizenge jochero, kuti nchifukwa cha mipasku yakocha, nanga ndi sembe cha;

Yoswa 22:23

pa chifukwa chakuzenga jochero kuti tireke kurondo Ambuya, asani tinguchitiya kuti tiperekiyengepo mipasku yakocha pamwenga mipasku ya ufwa pamwenga mipasku ya chimangu paku lo, iku Ambuya ŵeneko awezge nduzga.

Chiyambo 44:17

Kweni iyo wanguti, “Chindiŵiye kutali ine kuti ndichite viyo! Munthu mweniyope kapu wasanirika mu janja lake wakaŵanga muŵanda wangu, kweni kwaku imwe rutani mu chimangu ku uskemwe.”

Chiyambo 44:7

Iwo ŵanguti kwaku iyo, “Chifukwa chine mbuya widu waŵereŵeta mazu ghakuŵa nge ndi yagha? Chiŵiye kutali ku ŵateŵeti wako kuti ŵangachita chinthu cha viyo!

Yoswa 22:28

Ndipo tingughanaghana, kuti asani ichi chingakambika kwaku ifwe pamwenga ku mphapu yidu mu nyengo yo yituza, tikatinge, ‘Awonani chikozgo cha jochero la Ambuya, cho auskefwe anguchita, kuti nchifukwa cha mipasku yakocha, nanga ndi sembe cha, kweni kuŵa kaboni pakati paku ifwe ndi imwe.’

Yoswa 22:30

Wanguti wavwa Finehasi mzukuru yo ndi mafumu gha mpingo, ŵaraŵara ŵa mbumba za ŵaYisraele wo ŵenga pamoza nayo, mazu gho ŵina Rubene, ŵina Gadi ndi ŵina Manase ŵangurongoro, ghanguŵakondweska ukongwa.

Marangu 12:11

Viyo malo ghenigho Ambuya Chiuta winu wamusankha ndi kurembamu zina lake, kweniko ndiko mukatoliyanga vyose vyo ndimulanguliyani, sembe zinu zakocha, ndi sembe zinu zakwachibaya, ndi vyachichumi, ndi mpasku yeniyo mwamupereka ndi marapu gho murapa ku Ambuya.