Yoswa 22:20 - Tonga Bible 1986

²⁰ Kumbi Akani mwana waku Zera asi wanguswa chigomezgu mu vinthu vyakukanizgika, ndipo ukari unguwiya pa mpingo wose waku Yisraele? Ndipo kuti wangufwa yija pe cha pa uheni wake.’ ”

Yoswa 22:20 Referans Kwoze

Yoswa 7:5

Ndipo ŵanthu ŵaku Ai ŵangubayapo akhumba machumi ghatatu pachanya nkhonde ndi yumoza (36) ŵanguŵabaya pakusika. Mwakuti mitima ya ŵanthu yingusongonoka, ndipo yinguŵa nge ndi maji.

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

1 ŴaKorinte 10:6

Ndipo sono ivi vyakutichenjezga ifwe, mwakuti tingakhumbiranga ifwe viheni cha, uli ndimo ŵangukhumbiriya iwo.

Yoswa 7:24

Ndipo Yoswa ndi ŵaYisraele wose pamoza nayo ŵanguto Akani mwana waku Zera, ndi siliva ndi saru ndi burunga la golide, ndi ŵana ŵake ŵanthurumi ndi ŵanthukazi, ng'ombe zake, mbunda zake, mberere zake, hema lake, ndi chose cho wenga nacho, ndipo ŵangukwere navyo ku Dambo la Akoro.

Yoswa 7:18

wamgudaniya pafupi ŵamu nyumba yake munthu ndi munthu, ndipo Akani mwana waku Karimi, mwana waku Zabdi, mwana waku Zera, wa fuku laku Yuda, wangukoreka.

2 Petro 2:6

ndipo pakunyekeska mizi yaku Sodomu ndi Gomora, wangweruzga yo ndi kuyigadabuwa, ndipo wanguyiŵika nge nchichenjezgu kwaku wo ŵanguŵa ŵambura kopa Chiuta;

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

Yoswa 22:21

Sono ŵina Rubene, Gadi, ndi fuku la nusu laku Manase pa kwamuka ku ŵaraŵara ŵa mbumba zaku Yisraele ŵanguti,

2 Mikoka 24:18

Wangusiya nyumba ya Ambuya Chiuta wa auskeu, ndi ŵanguteŵete Ashera ndi ŵangoza. Ndipo ukari unguza paku Yuda ndi Yerusalemu chifukwa cha ubendezi wawo uwu.

Jobu 35:8

Uheni winu uziŵa kunangiska munthu munyake nge ndimwe, ndi urunji winu uziŵa kukondweska mwana wa munthu.