Yoswa 22:19 - Tonga Bible 1986

¹⁹ Kweni sono, asani charu chinu nchambura kutozgeka, mwambukiye ku charu cha Ambuya kweniko chihema cha kuunganamo cha Ambuya chikuma, ndipo muzi jitore malo ghinu ghakujamo mukati mwidu; kweni rekani kugarukiya Ambuya, pamwenga kutisanduska ifwe kuŵa ŵachigaruka pakujizenge imwe mwija jochero linyake lakupambana ndi jochero la Ambuya Chiuta widu.

Yoswa 22:19 Referans Kwoze

Yoswa 18:1

Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Amosi 7:17

Viyo mu chifukwa ichi atiti Ambuya: ‘Muwoli wako waŵenge mureŵi mu msumba, ndipo ŵana ŵako ŵanthurumi ndi ŵana ŵako ŵanthukazi ŵakabayikanga ndilipanga, ndi charu chako chamugaŵika ndi chipimo cha chingwe, ndipo wamweni wamufwiya mu charu cha ukazuzi; ndipo Yisraele wakarutanga nadi ku uŵanda kutali ndi charu chake!’ ”

2 Mikoka 11:13

Ŵazukuru ndi ŵaLevi ŵa mwaku Yisraele yose ŵangumziya, kuturiya mu malo ghose ko ŵajanga.

Chituwa 15:17

Imwe mukaŵaserezganga ndi kuŵapanda pa phiri laku mwaŵeni malo gho mwaghachita kuŵa chakujamo chinu, Ambuya mwe, malo ghakupaturika gho manja ghinu ghajarika, Ambuya mwe.

Yoswa 22:11

Ndipo ŵaYisraele ŵanguvwa kuti, “Ehe, ŵina Rubene ndi ŵina Gadi ndi nusu wa fuku laku Manase ŵazenga jochero pa mphaka ya charu cha Kanani, mu chigaŵa cha pafupi ndi Yordane, kuchiri kudera la ŵaYisraele.”

Danyele 10:13

Karonga wa ufumu waku Perese wangumikana nane mazuŵa machumi ghaŵi pachanya limoza (21), kweni Mikaeli, yumoza wa ŵakaronga ŵara, wanguza kundovya, ndipo ndingumureka kwenikuwa ndi karonga waku Perese,