Yoswa 22:18 - Tonga Bible 1986

¹⁸ kuti imwe msana wale mureke kurondo Ambuya? Ndipo asani imwe mugarukiya Ambuya msana wale iwo ŵakakwiyiyanga mpingo wose wa ŵaYisraele la mawa.

Yoswa 22:18 Referans Kwoze

Maŵerengedu 16:22

Ndipo ŵanguwa kavunama, ŵanguti, “Owe Chiuta, Chiuta wa mizimu ya ŵanthu wose asani walakwa munthu yumoza, kumbi mukakalipiyanga wumba wose?”

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?

2 Mikoka 34:33

Ndipo Josiya wangutuzgamo ukazuzi wose mu vyaru vyose vyaku Yisraele ndi kuchichizga wose wo ŵengamo mu Yisraele kuti watatariye Ambuya Chiuta wawo. Mu mazuŵa ghose ghaku iyo kuti ŵangupatuka cha kureka kurondo Ambuya Chiuta wa Ambuyawo.

2 Mikoka 25:27

Kutuwa pa nyengo yo wangupatukiyako ku Ambuya, ŵangumuyuskiya mbembe mu Yerusalemu ndipo wanguthaŵiya ku Lakisi. Kweni ŵangumurondo ku Lakisi ndi ŵangumubayiya kwenikuwa.

1 Mikoka 21:14

Viyo Ambuya angutuma chideru pa ŵaYisraele; ndipo ŵaYisraele vikwi machumi ghankhonde ndi ghaŵi (70,000) ŵangufwa.

1 Mikoka 21:1

Satana wangumikana ndi Yisraele, wangusosomo Davidi kuŵerenga Yisraele.

2 ŴaKaronga 17:21

Wanguti wapatuwako Yisraele ku nyumba yaku Davidi iwo ŵangumika Yeroboamu mwana waku Nebati kuŵa karonga. Ndipo Yeroboamu wangukhwemako Yisraele kukulondo Ambuya ndi wanguŵachitiska ulakwi ukuru.

1 ŴaKaronga 9:6

Kweni asani ukapatukangako kukurondo ine, iwe pamwenga ŵana ŵako, ndipo kuti musungenge cha malangulu ghangu ndi marangu ghangu, gho ndaŵika paurongo pako, kweni murutenge kwa chitataliya ŵachiuta ŵanyake, ndi kuŵasopa,

2 Samuele 24:1

Ndipo ukari wa Ambuya ungukore so pa ŵaYisraele, angusoska Davidi kumikana nayo, akuti, “Ruta, ukaŵerenge ŵaYisraele ndi ŵaYuda.”

1 Samuele 12:20

Samuele wanguti, “Rekani kopa mwachita uheni uwu wose, viyo sono rekani kupatukako kukurondo Ambuya, muteŵetiyeni ndi mtima winu wose;

1 Samuele 12:14

Asani mopenge Ambuya, kuŵateŵete ndi kuvwiya mazu ghawo kwambura kupatukako ku marangu ghawo, asani mose imwe ndi karonga yo wausa paku imwe murongonge Ambuya Chiuta winu, kukaŵanga umampha;

Yoswa 22:20

Kumbi Akani mwana waku Zera asi wanguswa chigomezgu mu vinthu vyakukanizgika, ndipo ukari unguwiya pa mpingo wose waku Yisraele? Ndipo kuti wangufwa yija pe cha pa uheni wake.’ ”

Yoswa 7:21

Po ndinguti ndawona mu vyakuskoŵa saru yakujeduka yakutuwa ku Shinara ndi ndrama machumi pe chumi ghaŵi (200) za siliva, ndi barunga la golide la uzitu wa myeso machumi ghankhonde (50) gha shekelo, ndinguvikhumbira; ehe, ndikuviwundiya pasi mu hema langu siliva we kusi kwake.”

Yoswa 7:11

Yisraele walakwa, ŵaswa phanganu langu lo ndingupangana nawo, ŵatopo vinthu vinyake vyakukanizgika, ŵaba, ndipo ŵapusika, ŵaviŵika pasi pa ŵakatundu ŵawo?

Yoswa 7:1

Kweni ŵaYisraele ŵangutaya kugomezgeka pa vinthu vyakupaskikiya ku unangiku; pakuti Akani mwana waku Karimi, mwana waku Zabdi, mwana waku Zera, wa fuku laku Yuda, wangutopo vinthu vyakupaskikiya ku unangiku, sono ukari wa Ambuya ungukore pa ŵaYisraele.

Marangu 7:4

Chifukwa ŵapatuskenge ŵana ŵinu kurondo ine kuti ŵateŵete ŵachiuta ŵanyake. Viyo ukari wa Ambuya ukakolenga kumikana namwe, ndi kumuparghang'ani.

ŴaLevi 10:6

Mosese wanguti kwaku Aroni ndi Eleazara ndi Itamara ŵana ŵake, “Mungafwatuwanga sisi la mitu yinu cha, ndipo mungaparuwanga saru zinu cha, vinu mungafwa, ndi vinu ukari ungaza pa mpingu wose; kweni ŵana ŵanyinu, wose ŵamu nyumba yaku Yisraele, ŵatenjere pa moto wo Ambuya akozga.

Maŵerengedu 32:15

Pakuti asani imwe muwere vuli kureka kumulondo, wakaŵajowonga so mu bozwa, ndipo mukaparghaniskanga ŵanthu wose yaŵa.”

Yoswa 22:15

Ŵanguza ku ŵina Rubene, ŵina Gadi ndi nusu wa fuku laku Manase, mu charu cha Gileada, ŵangunena nawo,