Yoswa 22:15 - Tonga Bible 1986

¹⁵ Ŵanguza ku ŵina Rubene, ŵina Gadi ndi nusu wa fuku laku Manase, mu charu cha Gileada, ŵangunena nawo,

Yoswa 22:15 Referans Kwoze

ŴaHebere 12:25

Lereni vinu mungamkana mweniyo wakamba namwe. Chifukwa asani ŵa ŵengavi kupozomoka pakukana kuvwiya mweniyo wanguŵachenjezga panupasi, ukongwa viŵi kuti tikapozomokanga cha ifwe taŵakugaruka ku kwaku mweniyo wachenjezga kuchanya.

1 ŴaKorinte 5:4

ndamweruzga kali mu zina la Ambuya yo wachita chenichi. Penipo mwaungana imwe, ndi mzimu wangu pamoza namwe, mu zina ndi nthazi ya Ambuyafwe Yesu,

1 ŴaKorinte 1:10

Kweni ndikuŵeyereni, mwa ŵabali, mu zina la Ambuyafwe Yesu Kristu, kuti mose mukambe chakuyanayana, ndi kuti mwinu muŵevi magaukanu; kweni kuti muŵe ŵakumangana pamoza mu chinjeru chakuyana ndi mu cheruzgu chakuyana.

Mateyu 18:17

Ndipo asani wareka kuvwa iwo, unene mpingu wo; kweni asani chingana nkhu mpingu wareka kuvwa, sono waŵe kwako nge ngwa mtundu ndi wamsonkho.

Yesaya 63:10

Kweni ŵangugaruka ndi kukaraliska Mzimu wake wakupaturika; viyo ŵangung'anamuka wanguŵa mphindikwa yawo, ndipo iyo mweneko wangurwana nawo.

Sumu 78:8

Ŵareke kuŵa nge mba uskeu, ŵanthu ŵakupuruka ndi ŵakutwanga, mgonezi wo chigomekezgu chawo kuti chingukho mwaku Chiuta cha, wo kuti ŵangujaririya ŵachivwanu mwaku iyo cha.

Ezra 9:15

Ambuya Chiuta waku Yisraele, imwe mwe ŵakunyoroka, pakuti tajako ifwe takutaskika, mo kulili msana wale. Wonani, tijichepeska pauronga pinu chifukwa cha matewu ghidu; palivi yumoza waziŵa kuma paurongo pinu chifukwa chaku gho.”

Ezra 9:2

Chifukwa ŵato ŵanyake ŵa ŵana ŵanthukazi kuŵa ŵawoli ŵawo, ndi ŵawoli ŵa ŵana ŵawo ŵanthurumi: viyo mtundu wakupaturika watimbanizgika ndi ŵeneko ŵacharu, ndipo janja la ŵaraŵara ndi zinduna ndilo lakuwa mu kunanga uku.”

2 Mikoka 28:13

ŵanguti kwaku wo, “Kuti mukaŵatoriyanga kuno cha ŵamikoli, chifukwa munkhumba kutitole chifukwa kumikana ndi Ambuya, kusazgiyako ku uheni ndi kwananga kwidu kwa sono. Chifukwa kwananga kwidu nkhukulu kali; ndipo ulipo ukari ukuru kumikana ndi Yisraele.”

2 Mikoka 26:18

Ndipo ŵangumikana nayo karonga Uziya ndi ŵanguti kwaku iyo, “Kuti ndi nchitu yako cha Uziya, koche Ambuya vyakununkhira, kweni ndi nchitu ya ŵazukuru ŵana ŵaku Aroni wo mbakupaturikiya kocha vyakununkhira. Tuwamo mu nyumba yakupaturika; chifukwa wabuda, ndipo ukatumbikikanga cha ndi Ambuya Chiuta.”

2 Mikoka 25:27

Kutuwa pa nyengo yo wangupatukiyako ku Ambuya, ŵangumuyuskiya mbembe mu Yerusalemu ndipo wanguthaŵiya ku Lakisi. Kweni ŵangumurondo ku Lakisi ndi ŵangumubayiya kwenikuwa.

2 Mikoka 10:19

Viyo ndimo ŵaYisraele ŵangugarukiya kutuwa ku nyumba yaku Davidi mpaka zuŵa lino.

1 Mikoka 21:3

Kweni Yoabu wanguti, “Ambuya andaniskiyeko ŵanthu ŵawo ndi machumi pe chumi (100) nge ndimo ŵalili! Kweni mbuya wangu karonga, kumbi wose kuti mbateŵeti ŵa mbuyangu cha? Nchifukwa uli nanga mbuya wangu mukhumba chinthu ichi? Chifukwa nchine mutoleyenge kwananga paku Yisraele?”

1 Samuele 15:23

Pakuti kugaruka kwenge mbuheni wa kombeza, ndipo mtafu wenge nkhwananga ndi kusopa vikozgo. Chifukwa wakana mazu gha Ambuya iwo nawo akana iwe kuŵa karonga.”

Yoswa 22:18

kuti imwe msana wale mureke kurondo Ambuya? Ndipo asani imwe mugarukiya Ambuya msana wale iwo ŵakakwiyiyanga mpingo wose wa ŵaYisraele la mawa.

Yoswa 22:12

ŴaYisraele ŵanguti ŵavwa ichi, wumba wose wunguwungana pa Shilo kuti ŵachite nawo nkhondo.

Marangu 30:17

Kweni asani mtima winu upatukako, ndi kuti mukavwanga cha, kweni mukarandizgikanga kwachisopa ŵachiuta ŵanyake ndi kuŵateŵete,

Marangu 7:4

Chifukwa ŵapatuskenge ŵana ŵinu kurondo ine kuti ŵateŵete ŵachiuta ŵanyake. Viyo ukari wa Ambuya ukakolenga kumikana namwe, ndi kumuparghang'ani.

Maŵerengedu 32:15

Pakuti asani imwe muwere vuli kureka kumulondo, wakaŵajowonga so mu bozwa, ndipo mukaparghaniskanga ŵanthu wose yaŵa.”

Maŵerengedu 14:43

Pakuti Amaleke ndi ŵaKanani ŵekwenikuwa kuurongo kwinu, ndipo mwamubayika ndi nkhondo; chifukwa mwatuwako ku kulondo Ambuya, viyo Ambuya kuti akaŵanga namwe cha.”

Maŵerengedu 5:6

“Ukambe ndi ŵaYisraele asani munthurumi pamwenga munthukazi wachita uheni we wose wo ŵanthu ŵachita pakuswa lamulu la Ambuya, ndipo waziŵika,

ŴaLevi 26:40

“Kweni asani ŵakazomeranga ulakwi wawo ndi ulakwi wa auskeu wa urghargha wo ŵanguchitiya ine; ndi ulakwi wakwenda kwakupambana nane,

ŴaLevi 5:19

Ndi mpasku wakwananga, yo munthu wenga wakwananga paurongo pa Ambuya.”

Chituwa 32:8

Ŵapatuka ruŵi-ruŵi kutuwa mu nthowa yo ndinguŵalanguliya ŵajichitiya thole la ng'ombe yakuwumbika, ndipo ŵalilambiya ndi ŵalipaska sembe, ndipo ŵakati, ‘Yaŵa mbachiuta ŵinu, mwa ŵaYisraele ŵeniwo ŵangumutoliyani kuno kutuwa mu charu cha Egipiti.’ ”

Yoswa 22:14

ŵangutuma pamoza nayo mafumu chumi, yumoza kutuwa mu fuku limoza la mbumba yaku Yisraele, yumoza ndi yumoza waku wo wenga mutu wa mbumba mukati mu makhamu ghaku Yisraele.

Yoswa 22:16

“Viyo ndimo ukambiya mpingo wose wa Ambuya, ‘Ndi phuzu uli ili lo mwachita paku Chiuta waku Yisraele pakupatukako msana wale ku kurondo Ambuya, pa kujizenge imwe mwaŵeni jochero mu kugarukiya Ambuya?