Yoswa 21:44 - Tonga Bible 1986

⁴⁴ Ndipo Ambuya anguŵapumuzga kosekose nge ndimo angurapiya ku auskeu; pengavi nanga njumoza wa ŵarwani ŵawo yo wangumikana nawo, pakuti Ambuya angupereka ŵakupindikana ŵawo wose mu manja ghawo.

Yoswa 21:44 Referans Kwoze

Yoswa 11:23

Viyo Yoswa wanguronda charu chose, kwakuyana ndi vyose vyo Ambuya angukamba ndi Mosese; Yoswa wanguchipereka kuŵa chihara ku ŵaYisraele ku fuku ndi fuku ndipo charu chingupumuwa ku nkhondo.

ŴaHebere 4:9

Viyona, chipumuwa cha sabata chajariya ku khamu laku Chiuta.

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Yoswa 22:9

Viyo ŵina Rubene, ŵina Gadi ndi nusu wa fuku laku Manase ŵanguwere ku mizi yawo, ŵangupatukana ndi ŵaYisraele pa Shilo, yo wemu charu cha Kanani, kuruta ku charu cha Gileada, charu chawo ndi chawo chenicho ŵanguhara mwa langulu la Ambuya mwaku Mosese.

Yoswa 22:4

Ndipo sono Ambuya Chiuta winu wapereka chipumulo ku ŵabali ŵinu, nge ndimo ŵangupanganirana nawo; viyo weni rutaninga ku mizi yinu mu charu mo mwe vihara vinu, vyenivyo Mosese mteŵeti wa Ambuya wangumpaskani kusirgha ku Yordane.

Yoswa 1:15

mpaka po Ambuya apaska chipumulu ku ŵabali ŵinu ndipo so ndi kwaku imwe, ndipo nawo so ŵaŵa nacho charu cho Ambuya Chiuta winu waŵapaska; pavuli paku cho mukawerenga ku charu cho nchinu, ndipo mwa muja mwaku cho, charu cho Mosese Mteŵeti wa Ambuya wakukupaskani kusirgha ku Yordane kumatuli gha dazi.”

Yoswa 1:13

“Kumbukani mazu gho Mosese mteŵeti waAmbuya wangumulanguliyani imwe, kuti, ‘Ambuya Chiuta winu watumupaskani malo gha chipumulu, wakamupaskaninga charu ichi.’

Chituwa 33:14

Ndipo iwo anguti, “Ndikarutanga nawe ndipo ndikakupumuzganga.”

Marangu 21:10

“Muchiruta ku dondo kwachimikana ndi wakupindikana winu, ndipo Ambuya Chiuta winu wati ŵapereka mu manja ghinu, imwe mutiŵayora kuŵa ŵamikoli,

Yoswa 23:1

Pavuli pa nyengo yitali, penipo Ambuya angupaska chipumulu kwaku Yisraele ku ŵarwani wose ŵakuŵazunguliya, Yoswa wangukota wakuŵa ndi virimika vinandi;

Yesaya 63:14

Uli ndi ngombe zo zisikiya mu dambo, Mzimu wa Ambuya unguŵapaska chipumulu. Viyo ndimu mungurongozge ŵanthu ŵinu, kujichitiya mwaŵeni zina la unkhankhu.

Marangu 2:36

Kuturiya ku Aroere mu mphepete mu chidika cha Arnoni ndi kutuwa ku muzi wo wenga mu chidika mpaka ku Gileada, pengavi msumba umoza wo ungutitonda, Ambuya Chiuta widu wangupereka yose kwaku ifwe.

Yoswa 1:5

Paulengevi munthu mweniyo wakaziŵanga kuma paurongo pako mu umoyo wako wose; nge ndimo ndinguŵiya pamoza ndi Mosese, ndimu ndikaŵiyanga ndi iwe, kuti ndikakujowonga cha.

Yoswa 2:24

Ŵangunena ndi Yoswa, “Kwakuneneska Ambuya apaska charu chose chiya mu manja ghidu; chakuruskako nchakuti wose ŵakuja mu charu cho mitima yawo njakulakatuka chifukwa chidu.”

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 11:12

Ndipo ndi misumba yose ya wakaronga ŵa, ndi ŵakaronga ŵawo wose, Yoswa wanguto ndipo wanguŵakoso ndi lipanga, kuŵamariya limu, nge ndimo Mosese mteŵeti wa Ambuya wangulanguliya.

2 Mikoka 13:16

Ndipo ŵaYisraele ŵanguthaŵa paurongo paku Yuda, Chiuta wanguŵapereka mu manja ghawo.