Yoswa 2:24 - Tonga Bible 1986

²⁴ Ŵangunena ndi Yoswa, “Kwakuneneska Ambuya apaska charu chose chiya mu manja ghidu; chakuruskako nchakuti wose ŵakuja mu charu cho mitima yawo njakulakatuka chifukwa chidu.”

Yoswa 2:24 Referans Kwoze

Chituwa 23:31

Ndipo ndikamikanga mphaka zinu kwamba ku Nyanja Yiyera kuya ku Nyanja ya ŵaFilisti, kwamba ku bozwa kuya ku Efrate pakuti ndikaperekanga ŵakuja mu charu cho mu janja linu, ndipo imwe mukaŵadikiskanga paurongo pinu.

Nthanthi 25:13

Uli nkhuzizira kwa matalala mu nyengo ya yakuvuna ndimu yilili nthumi yamagomekezgeka kwaku ŵeniwo ŵatiyituma, yiziziriska mzimu wa ambuyake.

Yoswa 5:1

Ŵanguti ŵavwa ŵakaronga ŵa Amori wo ŵenga kusirgha la Yordane ku zambwe, ndi ŵakaronga wose ŵaKanani wo ŵenga kufupi ndi nyanja, kuti Ambuya angukamuska maji ghamu Yordane chifukwa cha ŵaYisraele mpaka po ŵanthu ŵangwambuka, mitima yawo yingusongonoka, ndipo kuti mwawo mwenga umoyo so cha, chifukwa cha ŵaYisraele.

Yoswa 1:8

Buku ili la marangu lireke kutuwa mu mlomo wako, kweni ughanaghanenge nagho msana ndi usiku, alinga kuti uŵenge wakughaphwere kuchita chose chakulembeka mwaku lo, mwaku ichi ukasakatanga ndipo kukaŵanga ndi usakati wamampha.

Chituwa 15:15

Sono mafumu ghamu Edomu ghadika nthazi: ŵarongozgi ŵa Moabu kwaŵako kunjenjeme, wose ŵakuja mu Kanani ŵasongonoka.

Yoswa 2:23

Viyo ŵanthurumi ŵaŵi wo ŵangupaukako ku mapiri, ŵanguyambuka, ŵanguza kwaku Yoswa mwana waku Nuni; ndipo ŵangumukonkhoske vyose vyo ŵanguwona.

Ŵeruzgi 7:9

Usiku weniuwa Ambuya angunena nayo, “Soka, ruta kwachimikana ndi ugoŵi wo; pakuti ndawupereka mu janja lako.

Yoswa 6:2

Ndipo Ambuya anguti kwaku Yoswa, “Awona, Yeriko ndamupereka mu janja lako, ndi karonga wake ndi vinkhara vyake vya nkhondo.

Yoswa 8:1

Ndipo Ambuya angunena ndi Yoswa, “Ungatethemanga pamwenga kugongowa cha; utore pamoza nawe wose ŵakurwa nkhondo, ndipo soka, kweriyanga ku Ai; ehe, ndapereka mu janja lako karonga waku Ai, ndi ŵanthu ŵake, msumba, ndipo ndi charu chake;

Ŵeruzgi 1:2

Ambuya anguti, “Yuda wakakweranga, ehe, ndapaska charu cho mu janja lake.”

Ŵeruzgi 18:10

Muchiruta mwamufika ku ŵanthu ŵambura kughanaghanako kanyake cha. Charu nchisani; inya, Chiuta wachipaska mu manja ghinu, charu cho kuti kusoŵa kanthu cha ko ke mu charu chapasi.”