Yoswa 2:19 - Tonga Bible 1986

¹⁹ Asani yumoza wakatuwanga mu nyumba yako kuruta ku bwalo, ndopa zake zikaŵanga pamutu wake, ifwe tikaŵanga ŵambura mlando; kweni asani janja lamuŵikika paku yose yo wendi iwe mu nyumba mo, ndopa zake zikaŵanga pa mutu widu.

Yoswa 2:19 Referans Kwoze

Machitidu gha Ŵakutumika 27:31

Paulo wangumunene kenturione ndi ŵankhondo, “Kwambura kuti ŵaja mu ngaraŵa yaŵa, kuti muziŵenge imwe kutaskika cha.”

Machitidu gha Ŵakutumika 18:6

Kweni po ŵangumikirana nayo iwo, ndi kutuka, wangukung'untha minjirira yake, ndipo wangunena nawo, “Ndopa zinu ziŵi pa mitu yinu; ndasasamo ine; kwanda sono ndikenge ku ŵaMitundu.”

Chituwa 12:23

Pakuti Ambuya akaporotangamo kubaya ŵaEgipiti; ndipo ŵachizamuwona ndopa pa mugoro ndi pa nchindamiru ziŵi zapa khomo, Ambuya azamujumphapo pa khomo, ndipo kuti ŵakazomerezganga wakubaya yo kusere mu nyumba zinu cha kwachikubayani.

Chituwa 12:13

Ndopa zikaŵanga chisimikizgu kwaku imwe, pa nyumba zo mulimo; ndipo ndichiwona ndopa, ndikajumphangapo pinu, ndipo palivi chideru cho chikaŵanga pinu kumunangani, penipo ndikakosonga charu cha Egipiti.

ŴaHebere 10:29

mughanaghana kuti weruzgikenge nge ngwakwenere chilanga chikuru chauli, yo wakandirizga pasi Mwana waku Chiuta yo, ndi wazipima ndopa za chipanganu, mwaku zo wangupaturikiya, chinthu chaŵaka, ndi wayuyuwa Mzimu wa wezi?

ŴaFilipi 3:9

ndipo kuti ndisanirike mwaku iyo, pakuŵa ndi urunji wangu wamu chilangulu cha, kweni wo we mu chivwanu cha mwaku Kristu, urunji wakutuwa kwaku Chiuta wo uyegeme, pa chivwanu icho,

Machitidu gha Ŵakutumika 20:26

Chifukwa chenichi ndikusimikizgiyani zuŵa lenilino, kuti ine nde wakusasamo ku ndopa zaku wose.

Mateyu 24:17

wapa nyumba pachanya wangasika cha kwachito vyamu nyumba yake;

1 ŴaKaronga 2:32

Ambuya akawezgiyanga nchitu zake za ndopa pa mutu wa mweneko, chifukwa, kwambura kuziŵa ada Davidi, wangukoso ndi wangubaya ndi lipanga ŵanthu ŵaŵi ŵarunji kwakuruska iyo, ndi ŵamampha kwakuruska iyo, Abneri mwana waku Neri mura wa nkhondo yaku Yisraele, ndi Amasa mwana waku Jeteri, mura wa nkhondo yaku Yuda.

2 Samuele 4:11

Iku uli ukongwako, po ŵanthu ŵaheni ŵabaya munthu wakurunjika mu nyumba yake pa chita chake, kumbi sono asi ndipenjenge ndopa zake pa janja linu ndi kumutuzganiko imwe ku charu cha pasi?”

2 Samuele 1:16

Davidi wangunena nayo, “Ndopa zako ziŵi pa mutu wako; pakuti mlomo wako wakuŵiya kaboni wamweni, kuti, ‘Ndabaya wakupakika wa Ambuya.’ ”

Yoswa 2:14

Ndipo ŵanthurumi wo ŵangunena nayo, “Umoyo widu utaska umoyo winu! Asani urekenge kusumuwa vyo tachita, po ndipo nafwe Ambuya ŵatakuti ŵatipaska charu ichi, tikakuchitiyanga wezi ndi ukongorekwa.”

ŴaLevi 20:11

Munthu wakula ndi muwoli wa awiske wazuwa nkhuli ya awiske, wose ŵaŵi ŵabayike ndopa zawo zepa ŵeneko.

ŴaLevi 20:9

Pakuti we yose wakutemba wiske pamwenga nyina wakabayikanga, chifukwa watemba wiska pamwenge nyina, ndopa zake zepa mutu wa mweneko.

Yoswa 2:12

Iku sono, mundirapiye ku Ambuya kuti nge ndimo ndamuchitiyani wezi, namwe so muchitiye wezi nyumba ya ada, mundipaske chisimikizgu cha uneneska,

Yoswa 2:20

Viyo asani ukasumuwanga vyo tachita, po ifwe tikaŵanga ŵambura mlando pa rapu lenilo watirapiska ifwe.”

Chituwa 12:22

Toni khoroza la mani ndi mulibizge mu ndopa zo ze mu mbali; ndipo mupake pa mugoro ndi nchindamiru ziŵi zapa khomo ndi ndopa zo zemu mbali, ndipo palivi yumoza wakatuwanga pa khomo la nyumba mpaka mlenji.