Yoswa 18:3 - Tonga Bible 1986

³ Viyo Yoswa wangunena ndi ŵaYisraele, “Muswerenge mpaka zuŵanji kuruta kwachipoka charu, chenicho Ambuya, Chiuta wa auskemwe, wakupaskani?

Yoswa 18:3 Referans Kwoze

Nthanthi 13:4

Mzimu wa mukata upemphapempha ndipo kuti uronde kanthu cha, penipo mzimu wa wakutakataka upaskika usambasi.

Ŵeruzgi 18:9

Iwo ŵanguti, “Sokani, tiyeni tikweriyeko kwachimikana nawo; pakuti tachichiwona charu, ndipo ehe, nchanyata yikuru ukongwa. Ndipo kumbi mukarekanga kuchitapu kanthu? Mungasweranga cha kuruta, mukasere ndi kuhara charu chiya.

Mateyu 20:6

Ndipo wakutuwa pafupi pa ora lachichumi ndi chimoza, wangusaniya ŵanyake ŵakuma ŵaka jo ndipo watiti kwaku wo, ‘Mwamiyanji ŵaka panu msana wose?’

Nthanthi 15:19

Nthowa ya mukata yiŵinda ndi minga, kweni gurwi wa wakunyoroka ngwachiwande.

Nthanthi 10:4

Janja lakutomboloka lipaska ukavu kweni janja la warwana liremereska.

Zefaniya 3:16

Mu zuŵa lo kukambikenge ku Yerusalemu kuti, “Ungopanga, iwe Zioni; manja ghako ghareke kulopwa.

Yohane 6:27

Mungatakatakiya chaukurgha cho chitanangika cha, kweni chaukurgha cho nchakujaririya ku umoyo wamuyaya, chenicho Mwana wa munthu wakupaskeninge: chifukwa Chiuta Dada waŵika chizighiri chake paku iyo.”

Wakutaula 9:10

Chose cho janja lako lasaniya kuchita, chitanga ndi nthazi yako; pakuti kulivi nchitu pamwenga maghanaghano pamwenga kuziŵa pamwenga vinjeru mu muunda mwenimo ukarutanga.

Yoswa 18:2

Ŵangujamo muwa mukati mu ŵaYisraele mafuku ghankhonde ndi ghaŵi ŵeniwo chihara chawo chengavi kugaŵika.

Yoswa 18:4

Perekani ŵanthurumi ŵatatu ku fuku le lose, ndiŵatumenge kuti ŵarute uku ndi uku mu charu, kulemba ndi kukonkhoska mo vilili vihara vyake, pavuli pake ŵazenge kwaku ine.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Yoswa 13:1

Sono Yoswa wangukota wakuŵa ndi virimika vinandi; ndipo Ambuya angunena nayo, “Wakota we wa virimika vinandi, ndipo charu cheche waka chikuru cho chingagaŵika.