Yoswa 18:28 - Tonga Bible 1986

²⁸ Zera, Haelefe, Yebusi (yo ndi Yerusalemu), Gibea, ndi Kiriata-jearimi, misumba chumi ndi yinayi ndi mizi yake. Ichi nchihara cha fuku laku Benjamini kwakuyana ndi mbumba yake.

Yoswa 18:28 Referans Kwoze

2 Samuele 21:14

Ndipo wanguŵika viwanga vyaku Sauli ndimwana wake Jonafani mu charu cha Benjamini mu Zela mu muunda waku Kishi awiske; ndi ŵanthu ŵanguchita vyose vyo karonga wangulangula. Ndipo pavuli paku ichi Chiuta wangutegherezga ku marombu gha kuchirombe charu.

Yoswa 15:8

sono apa mphaka yikwera ndi dambo la mwana waku Hinomu kuchiri ku malawi ku ŵaYebusi (yo ndi Yerusalemu); ndipo mphaka yikwera pachanya pa phiri lo linyekezga ku dambo la Hinomu, ku zambwe, ku umari waku nkhonde wa dambo la Rafaimi;

Hoseya 10:9

O! Yisraele wananga kwamba mu mazuŵa ghaku Gibeya; ndipo kwenikuwa ŵarutiriya. Kumbi nkhondo kuti yiŵasaniyenge cha mu Gibeya?

Yesaya 10:29

wambuka pa fita, wagona pa Gebe ndi usiku, Rama watenthema, Gibea waku Sauli wathaŵa.

2 Samuele 5:8

Ndipo Davidi wanguti pa zuŵa liya, “Yose yo wangapuma ŵaYebusi, wakwere mu mpopi wa maji ŵakupunduka ndi ŵachuburumutiya, ŵakutinkhika ndi mzimu waku Davidi.” Mu chifukwa ichi kukambika, “Ŵachimburumutiya ndi ŵakupunduka kuti ŵakazanga mu nyumba cha.”

1 Samuele 10:26

Sauli nayo wanguruta ku nyumba yake ku Gibea, ndi pamoza nayo ŵanthu ŵanthazi wo Chiuta wangukwaska mitima yawo.

Yoswa 18:16

yapa mphaka yisikiya ku umari wa phiri lo lilereska pa nthazipadambo la mwana waku Hinomu, lo le ku umari wakunkhonde kwa dambo laku Refaimi, kutuwa pa yisika ndi dambo laku Hinomu ku malaŵi mu mphepete mwa ŵaYebusi, ndi kusikiya ku Ene-rogele;

Yoswa 15:63

Kweni ŵaYebusi, ŵakuja mu Yerusalemu, ŵanthu ŵaku Yuda kuti ŵangukhumba kuŵadikiska cha; viyo ŵaYebusi ŵanguja pamoza ndi ŵaYuda mu Yerusalemu kufika ku zuŵa lino.

Maŵerengedu 33:54

Mukaharanga charu ndi mphenduzga kwakulingana ndi mafuku ghinu; ku fuku likuru mukaperekanga chihara chikuru, ndipo ku fuku limana mukaperekanga chihara chimana; ko kose mphenduzga yaŵiya munthu we yose, kweniko ndiku kukaŵanga kwake; kwakuyana ndi mafuku gha auskemwe ndimu mukahariyanga.

Maŵerengedu 26:54

Mu fuko lo mbanandi ukaŵapaskanga chihara chikuru, ndipo mu fuko lo mbamana ukaŵapaskanga chihara chimana; fuko le lose likapaskikanga chihara kwakuyana ndi unandi wake.

Maŵerengedu 26:38

Ŵana ŵaku Benjamini mu mbumba zawo: mwaku Bela, ndimu mukutuwa ŵaBela; mwaku Ashebele, ndimu mukutuwa ŵaAshabele; mwaku Ahiramu, ndimu mukutuwa ŵaAhiramu;

Yoswa 18:27

Rekeme, Iripele, Tarala,

Yoswa 19:1

Mphenduzga ya chiŵi yingutuliya mtundu waku Simeoni kwakuyana ndi mbumba yake: ndipo chihara chake chenga mukati mu chihara cha fuku laku Yuda.

2 Samuele 5:6

Karonga ndi ŵanthu ŵake ŵanguruta ku Yerusalemu kwa chirwana ndi ŵaYebusi, ŵeneko ŵa charu wo ŵangunena ndi Davidi, kuti, “Ukaserenga munu cha, kweni ŵachiburumutiya ndi ŵakupunduka ŵakujarizgiyenge kubwaro,” kughanaghana kuti, “Davidi wangasere munu cha.”

2 Samuele 23:29

Helebi mwana waku Bana waku Natofa, Itai mwana waku Ribayi waku Gibea wa ŵina Benjamini,

Yeremiya 6:1

Thaŵiyani kwakubisama, mwa ŵanthu ŵaku Benjamini, kuthaŵa mukati mu Yerusalemu! Mbani mbata mu Tekoa, ndipo soskani chiteskeru pa Betehakeremu; pakuti chiheni chituza kutuliya ku nkhonde ndi pharghaniko likuru.

Ŵeruzgi 1:21

Kweni ŵanthu ŵaku Benjamini kuti ŵanguŵadikiskamo cha ŵaYebusi wo ŵajanga mu Yerusalemu; viyo ŵaYebusi ŵanguja pamoza ndi ŵanthu ŵaku Benjamini mu Yerusalemu mpaka zuŵa lino.

Ŵeruzgi 19:10

Kweni munthu yo kuti wangukhumba cha kugona so pa: wangusoka ndi wanguruta, ndipo wangufika kwakulereskana ndi Yebusi, yo ndi Yerusalemu. Pamoza nayo wenga ndi mbunda ziŵi za katundu, ndi mbiligha yake.

1 Mikoka 8:28

Yaŵa ŵenga mitu ya nyumba za auskeu, kwakuyana ndi mikoka yawo, ŵanthu ŵa mazaza, Yaŵa ŵajanga mu Yerusalemu.