Yoswa 18:10 - Tonga Bible 1986

¹⁰ Ndipo Yoswa wanguwachitiya mphenduzga mu Shilo pa maso pa Ambuya; ndipo kwenikuwa Yoswa wangugaŵiya ŵanthu ŵaku Yisraele charu cho, kwaku yumoza ndi yumoza chigaŵa chake.

Yoswa 18:10 Referans Kwoze

ŴaKolose 1:12

ndi kumuwonga Dada, mweniyo watenereska kuti tisangane chihara cho cha ŵakupaturika mu ukweru.

Machitidu gha Ŵakutumika 13:19

Ndipo wanguti wapopeska mitundu yinkhonde ndi yiŵi mu charu cha Kanani, wanguŵapaska charu chaku wo nge nchihara, akhumba ku nyengo ya virimika machumi pe chumi ghanayi ndi machumi ghankhonde;

Yoswa 18:6

Ndipo mukachikonkhoskanga charu cho vigaŵa vinkhonde ndi viŵi ndipo mukandiziyanga ndi kukonkhoska ko; sono ndazakumchitiyani mphenduzga paurongo pa Ambuya Chiuta widu.

Machitidu gha Ŵakutumika 26:18

kwachibanuwa maso ghawo, ndi kuŵanyongo ku mdima kuyiya ku ukweru, ndi kuŵanyongo ku mtufu waku Satana kulazgiya kwaku Chiuta, mwakuti iwo ŵaronde chigowoke cha mwaku ine.’

Yohane 17:2

Pakuti mwampaska mtufu wapa munthu yose, alinga kuti wapaske umoyo wamuyaya kwaku wose wo mwampaska.

Mateyu 27:35

Ndipo ŵati ŵampayika ŵangugaŵana minjirira yake, pakupong'a mphenduzga:

Ezekiele 48:29

Ichi ncharu cho mukagaŵiyanga mafuku ghaku Yisraele nge nchihara, ndipo yagha ndigho maphande ghawo, atiti Ambuya Chiuta.

Ezekiele 47:22

Mukachigaŵanga nge nchihara chaku mwaŵeni ndi cha ŵalendo ŵakuja mukati mwinu wo ŵabariyamo ŵana mwaku imwe. Kwaku imwe ŵakaŵanga nge mbana ŵa ŵeni charu ŵa ŵaYisraele; ŵakagaŵikiyanga chihara pamoza namwe mukati mu mafuku ghaku Yisraele.

Nthanthi 18:18

Mphenduzga yimara suskanu ndipo yiteruzga pakati pa ŵakupindana ŵanthazi.

Sumu 61:5

Chifukwa imwe, A Chiuta mwavwa marapu ghangu, mwanditore mu chihara cha ŵakopa zina linu.

Sumu 47:4

Wakutisankhiya chihara chidu, kujikuzga kwaku Yakobe mweniyo watanja.

Yoswa 19:51

Ivi ndi vihara vyenivyo Eleazara mzukuru ndi Yoswa mwana waku Nubi ndi ŵaraŵara ŵa nyumba za auskeu ŵa mafuku gha ŵaYisraele ŵangugaŵiya mu mphenduzga pa Shilo paurongo pa Ambuya, pa khomo la hema lakuwunganamo. Viyo wangumara kugaŵa charu cho.

Yoswa 18:8

Viyo ŵanthurumi ŵa ŵanguruta mu nthowa yawo, ndipo Yoswa wanguchenjezga wo ŵanguruta kwachilemba vya charu cho kuti, “Rutani uku ndi uku mulembevyose vyaku cho, ndi kuwere so kwangu; ndipo ndazakumuchitiyani mphenduzga paurongo pa Ambuya mu Chilo.”

Maŵerengedu 34:16

Ambuya angunena ndi Mosese,

Yoswa 18:9

Viyo ŵanthu wo ŵanguruta uku ndi uku mu charu ndipo ŵangulemba mu buku konkhosko lake mu vigaŵa vinkhonde ndi viŵi; sono ŵanguza kwaku Yoswa mu ugoŵi pa Shilo.

Yoswa 18:11

Mphenduzga ya fuku laku Benjamini kwakuyana ndi mbumba yake yinguwoneka, ndipo chigaŵa chingupaskika kwako iwo pakati pa fuku laku Yosefe.

Yeremiya 7:12

Rutani sono ku malo ghangu ghenigho ghe mu Shilo, kweniko pakudanga ndingujarika zina langu, mukawone vyo ndinguchitiya malo gho chifukwa cha mauheni gha ŵanthu ŵangu ŵaYisraele.

Mika 2:5

Chifukwa ichi kuti ukaŵanga nayo cha wakupong'a chingwe cha mayera mu unganu wa Ambuya.

Yoswa 14:2

Vihara vyawo vyenga vya mphenduzga, pa mafuku ghankhonde ndi ghanayi ndi nusu, nge ndimo Ambuya angulanguliya Mosese,

Yoswa 14:5

ŴaYisraele ŵanguchita nge ndimo Ambuya angulanguliya Mosese; ŵangugaŵa charu.

Yoswa 23:4

Awonani, ndakugaŵiyani kuŵa chihara cha mafuku ghinu mitundu yo yichalipo, pamoza ndi mitundu yose yo ndikudumuwa kali, kutuwa ku Yordane mpaka ku Nyanja Yikuru ku zambwe.

1 Mikoka 24:5

Ŵangugaŵika ndi mphenduzga, wose ŵakuyana, chifukwa ŵakulangula ŵa malo ghakupaturika ndi ŵakulangula ŵaku Chiuta wose ŵenga ŵamu ŵana ŵaku Eleazara ndi ŵana ŵaku Itamara.

Nehemiya 11:1

Sono ŵarongozgi ŵa ŵanthu ŵajanga mu Yerusalemu; ndipo ŵanthu wose ŵanguchita mphenduzga kutuzgamo yumoza mwaku ŵa chumi kwachija mu Yerusalemu, msumba wakupaturika, penipo ŵankhonde ndi ŵanayi ŵangujaliriya mu mizi yinyake.