Yoswa 18:1 - Tonga Bible 1986

¹ Sono mpingu wose wa ŵaYisraele unguwungana pa Shilo, ndipo ŵangumika hema lakuwunganamo; charu chinguthereskeka paurongo pawo.

Yoswa 18:1 Referans Kwoze

Yoswa 19:51

Ivi ndi vihara vyenivyo Eleazara mzukuru ndi Yoswa mwana waku Nubi ndi ŵaraŵara ŵa nyumba za auskeu ŵa mafuku gha ŵaYisraele ŵangugaŵiya mu mphenduzga pa Shilo paurongo pa Ambuya, pa khomo la hema lakuwunganamo. Viyo wangumara kugaŵa charu cho.

1 Samuele 1:3

Chirimika ndi chirimika Elkana warutanga kutuwa ku muzi wake kwachisopa ndi kupereka sembe ku Ambuya ŵa maŵanja pa Shilo, penipo ŵana ŵaŵi ŵaku Eli, Hofini ndi Finehasi ŵenga ŵazukuru ŵa Ambuya.

Yoswa 21:2

ndipo ŵanguti kwaku wo pa Shilo mu charu cha Kanani, “Ambuya angulanguliya mwaku Mosese kuti ifwe tipaskike misumba yakujamo, pamoza ndi charu cha mauliska gha ng'ombe zidu.”

Yeremiya 26:6

iku sono ndikayichitanga nyumba iyi kuŵa nge ndi Shilo; ndi ndikauchitanga msumba uwu kuŵa thembo ku mitundu yose ya charu chapasi.’ ”

Yoswa 22:9

Viyo ŵina Rubene, ŵina Gadi ndi nusu wa fuku laku Manase ŵanguwere ku mizi yawo, ŵangupatukana ndi ŵaYisraele pa Shilo, yo wemu charu cha Kanani, kuruta ku charu cha Gileada, charu chawo ndi chawo chenicho ŵanguhara mwa langulu la Ambuya mwaku Mosese.

Sumu 78:66

Angudikiskiya ŵarwani ŵawo kuvuli, kuŵathereska kwa soni ndi kuŵamariya limu.

1 ŴaKaronga 14:2

Ndipo Yeroboamu wanguti ku muwoli wake, “Soka, ndi ujibise, kuti kureke kuziŵikwa kuti we muwoli waku Yeroboamu, uruti ku Shilo; ehe, Ahija mchimi we kwenikuwa, mweniyo wangukamba gha paku ine kuti ndikaŵanga karonga wa ŵanthu yaŵa.

1 ŴaKaronga 2:27

Viyo Solomoni wangudikiska Abiatara kuŵa mzukuru wa Ambuya, uku nkhufiska mazu gha Ambuya gho angukamba pa nyumba yaku Eli mu Shilo.

1 Samuele 1:24

Wanguti wamara kumonkheska, wangukwera nayo, ndi pamoza ndi iyo thole la virimika vitatu, sokora ya ufwa, ndi thumba la vinyo; wanguza nayo ku nyumba ya Ambuya pa Shilo ndipo mwana wenga litema.

Ŵeruzgi 18:31

Viyo ŵangumika ngoza wakusemeka yo wangupanga Mika, nyengo yose yo nyumba yaku Chiuta yinguŵiya mu Shilo.

1 ŴaKaronga 14:4

Muwoli waku Yeroboamu wangusoka, wanguruta ku Shilo, wanguza ku nyumba yaku Ahija. Nyengo iyi Ahija kuti wanguziŵa kulereska cha, pakuti maso ghake ghanguchita ndandi chifukwa cha ukhongwe.

Ŵeruzgi 21:19

Viyo wanguti, “Awonani, liripo dghera la chirimika ndi chirimika la Ambuya pa Shilo, ku nkhonde kwa Betele ku vuma kwa museu ukuru wo ukwera kutuwa ku Betele kuya ku Shekemu, ndi ku malaŵi kwa Lebona.”

Machitidu gha Ŵakutumika 7:45

Lenilo nalo, ŵati ŵalironde auskefwe, ŵangutoleyamo pamoza ndi Yoswa, ŵachihara vya mitundu, Chiuta wangudikiska paurongo pa auskefwe, mpaka ku mazuŵa ghaku Davidi;

Yoswa 18:2

Ŵangujamo muwa mukati mu ŵaYisraele mafuku ghankhonde ndi ghaŵi ŵeniwo chihara chawo chengavi kugaŵika.

Yoswa 18:8

Viyo ŵanthurumi ŵa ŵanguruta mu nthowa yawo, ndipo Yoswa wanguchenjezga wo ŵanguruta kwachilemba vya charu cho kuti, “Rutani uku ndi uku mulembevyose vyaku cho, ndi kuwere so kwangu; ndipo ndazakumuchitiyani mphenduzga paurongo pa Ambuya mu Chilo.”

Yoswa 22:12

ŴaYisraele ŵanguti ŵavwa ichi, wumba wose wunguwungana pa Shilo kuti ŵachite nawo nkhondo.

2 Samuele 7:6

Kuti ndaja mu nyumba cha kutuliya pa zuŵa lo ndingukwezge ŵaYisraele kutuwa mu Egipiti mpaka zuŵa linu, kweni ndaŵa wakwendendeka mu hema nge nchakujamo changu.

Nehemiya 9:24

Viyo mphapu zawo zingwachiseremo ndi kuhara charu cho, ndipo munguthereska paurongo pawo ŵakuja mu charu cho, ŵaKanani, ndipo mungupereka wo mu manja ghawo, pamoza ndi ŵakaronga ŵawo ndi ŵanthu ŵa charu cho, kuti ŵaŵachitiye mwenimo ŵangakhumbiya kuchita.

Sumu 78:60

wangutuwamo mu hema lake ku Shilo, muzi wo wangujamo mukati mu ŵanthu.

Yeremiya 26:9

Chifukwa chine wachimiya mu zina la Ambuya kuti, ‘Nyumba iyi yikaŵanga uli ndi Shilo, ndipo msumba uwu ukaŵanga mapopa, mwambura munthu wakujamo?’ ” Ndipo ŵanthu wose ŵanguunjikana kwakuzunguliya Yeremiya mu nyumba ya Ambuya.

Yeremiya 41:5

ŵanthu machumi ghakhonde ndi ghatatu ŵangufika kutuliya ku Shekemu ndi Shilo ndi Samaria, ŵakumeta myembi yawo ndi vivwalo vyawo vyakuparuka, ndi ŵakujitema maliŵavu ghawo ŵakunyamuwa mpasku wawo wa ufwa ndi vyachema kwachipaska pa nyumba ya Ambuya.

Maŵerengedu 32:22

ndi kuti charu chathereskeka paurongo pa Ambuya; sono pavuli pake ndipo mukawenga ndi kuŵa ŵanangwa ŵambura matewu ku Ambuya ndi ku ŵaYisraele; sono charu ichi chikaŵanga chihara chinu paurongo pa Ambuya.

Yoswa 22:19

Kweni sono, asani charu chinu nchambura kutozgeka, mwambukiye ku charu cha Ambuya kweniko chihema cha kuunganamo cha Ambuya chikuma, ndipo muzi jitore malo ghinu ghakujamo mukati mwidu; kweni rekani kugarukiya Ambuya, pamwenga kutisanduska ifwe kuŵa ŵachigaruka pakujizenge imwe mwija jochero linyake lakupambana ndi jochero la Ambuya Chiuta widu.

Ŵeruzgi 21:12

Ndipo ŵangusaniya mukati mu ŵakuja mu Yabeshe-Gileada ŵamwali machumi pe chumi ghanayi (400) wo ŵengavi kuwonana ndi munthurumi pa kula nayo, ndipo ŵanguza nawo ku ugoŵi pa Shilo, mu charu cha Kanani.