Yoswa 17:4 - Tonga Bible 1986

⁴ Ŵanguza paurongo paku Eleazara mzukuru ndi Yoswa mwana waku Nuni ndi ŵarongozgi, ŵanguti, “Ambuya angupangana ndi Mosese kutipaska chihara pamoza ndi ŵabali ŵidu.” Viyo kwakuyana ndi langulu la Ambuya anguŵapaska chihara mukati mu ŵabali ŵa auskeu.

Yoswa 17:4 Referans Kwoze

ŴaGalatia 3:28

Mwaku Kristu mulive muYuda chingana ndi muGriki, mulive muŵanda chingana, ndi mwanangwa, mulive munthurumi ndi munthukazi; chifukwa mose mwe yumoza mwaku Kristu Yesu.

Yoswa 14:1

Ndipo ivi ndi vihara vyo ŵaYisraele ŵanguronde mu charu cha Kanani, vyenivyo Eleazara mzukuru, ndi Yoswa mwana waku Nuni, ndi ŵarongozgi ŵa nyumba za auskeu ŵa mafuku gha ŵaYisraele ŵanguŵagaŵiya.

Yoswa 17:5

Viyo kunguŵa kwaku Manase vigaŵa chumi, pamoza ndi charu cha Gileada ndi Bashani, vyo vye kusirgha linyake la Yordane.

Maŵerengedu 27:1

Ndipo kunguza ŵana ŵanthukazi ŵaku Zelofehada mwana waku Hefere, mwana waku Gileada, mwana waku Makiri, mwana waku Manase, wa mbumba ya ŵina Manase, mwana waku Yosefe. Mazina gha ŵana ŵake ŵanthukazi ghenga yagha: Mahala, Nowa, Hogla, Milka, ndi Tirza.

Maŵerengedu 27:4

Chifukwa nchine likatuzgikangamo zina la uskefwe mu mbumba yake, kumbi chifukwa nchakuti po wengavi mwana munthurumi? Tipaskeni chihara mukati mu ŵabali ŵa auskefwe.”

Maŵerengedu 36:10

Ndipo ŵana ŵanthukazi ŵaku Zelofehada ŵanguchita nge ndimo Ambuya angulanguliya Mosese;

Yoswa 21:1

Sono ŵaraŵara ŵa nyumba za auskeu ŵa ŵaLevi ŵanguza kwaku Eleazara mzukuru ndi Yoswa mwana waku Nuni ndi ku ŵara ŵa nyumba za auskeu ŵa fuku la ŵaYisraele;