Yoswa 17:16 - Tonga Bible 1986

¹⁶ Fuku laku Yosefe linguti, “Charu cha mtunthu kuti chititikwana cha ifwe; ndi kweni ŵaKanani wo ŵaja mu charu cha chidika ŵe ndi magareta gha chisulo, wose wo ŵemu Betesheani ndi mizi yake ndi wo ŵemu dambo la Yezerele.”

Yoswa 17:16 Referans Kwoze

1 ŴaKaronga 4:12

Bana mwana waku Ahiludi, mu Tanaka, Megido, ndi Betesheani yose yo wa pafupi ndi Zaretani pasika pa Yezerele, kutuwa Betesheani kwachifika ku Abelemehola kwachifika kusirgha kwa Jokumeamu;

Ŵeruzgi 4:3

Sono ŵaYisraele ŵangubongole ku Ambuya kupempha chovyo; pakuti Sisera wenga ndi magareta gha chisulo machumi pe chumi ghankhonde ndi ghanayi (900) wanguyuzga ŵaYisraele ndi nkhaza kwa virimika machumi ghaŵi.

Ŵeruzgi 1:19

Ambuya ŵenga ndi Yuda, ndipo wanguto charu cha mtunthu, kweni wangutondeka kudikiska ŵakuja mu charu chachidika chifukwa ŵenga ndi magareta gha visulo.

Ŵeruzgi 6:33

Sono ŵaMidiyani wose ndi Amaleke ndi ŵanthu ŵa kuvuma ŵanguwungana pamoza, ndipo ŵati ŵambuka Yordane ŵangugoŵa mu Dambo la Yezerele.

Yoswa 17:18

kweni charu cha mtunthu chikaŵanga chinu, pakuti nanga chingaŵa dondo, mukachitozganga ndi kujamo kwachifika ku mphaka zake zakunthazi; pakuti ŵaKanani, nanga ŵendi magareta gha chisulo, ndipo nanga mbanthu ŵanthazi; mukaŵadikiskangamo.”

2 ŴaKaronga 9:37

ndipo chiŵanda chaku Yezebelu chazamkuŵa uli ndi ndoŵe pa chisku cha munda mu Yezerele, viyo kuti paza muwulavi yo wazamkamba kuti, Uyu ndi Yezebelu.’ ”

2 ŴaKaronga 9:10

Ndipo ŵagaru ŵakarghanga Yezebelu mu chigaŵa cha Yezerele ndipo pawulengevi wakumuŵika.” Pavuli wangujura khomo ndi wanguthaŵa.

1 ŴaKaronga 21:23

Ndipo ghaku, Yezebelu, Ambuya anguti, ‘Wagaru ŵakarghanga Yezebelu mukati mwa malili ghaku Yezerele.’

1 ŴaKaronga 21:1

Sono Naboti mu Yezerele wenga ndi munda wa mphereska mu Yeserele pakuŵandikana ndi nyumba ya ufumu yaku Ahabu karonga wa Samaria.

1 ŴaKaronga 18:46

Ndipo janja la Ambuya lenga paku Eliya, ndipo wangujichinyiya mu chiunu chake, ndipo wanguchimbiya panthazi paku Ahabu pa likomo la Yezerele.

Ŵeruzgi 4:13

wangudana magareta ghake ghose, magareta machumi pe chumi ghankhonde ndi ghanayi (900) gha chisulo, ndi ŵanthu wose wo ŵenga nayo pamoza, kutuwa ku Haroshetihagoimu mpaka ku msinji Kishoni.

Yoswa 19:18

Charu chake chingubang'a Yezerele, Chesuloti, Shuneme,

Yoswa 17:11

Ndipo so mu Isakara ndi mu Ashere Manase wenga ndi Betesheani ndi mizi yake, ndi Ibileama ndi mizi yake, ŵakuja mu Doro ndi mizi yake, ŵakuja mu Edoro ndi mizi yake, ŵakuja mu Tanaka ndi mizi yake, ndi ŵakuja mu Megido ndi mizi yake; wa chitatu ndi Nafata.

Yoswa 17:15

Ndipo Yoswa wangunena nawo, “Asani mwe ŵanthu ŵanandi, rutani ku dondo ku charu cha ŵaPerese ndi ŵaRefaimu mukajonozge mwaŵeni malo, pakuwona kuti charu cha mtunthu chaku Efraimu nchimana ukongwa kwaku imwe.”

Yoswa 17:17

Sono Yoswe wangunena ndi nyumba yaku Yosefe, Efraimu, ndi Manase, “Mwe ŵanandi ukongwa, ndipo mwe ndi nthazi zikuru; kuti mukaŵanga ndi mphenduzga yimoza cha,

1 ŴaKaronga 18:45

Ndipo pa kanyengo kamanavi kuchanya kungufipa ndi mitambo ndi mphepo, ndipo kwenga vuwa yikuru. Ndipo wangukwera wanguruta ku Yeserele.

Yeremiya 49:2

Chifukwa cho, ehe, mazuŵa ghakazanga, atiti Ambuya, ndikachiskanga mumemezu wankhondo kuti uvwike kwachirwana ndi Raba wa Amoni; ukaŵanga chimbumira cha mapopa, ndipo mizi yake yikawochekanga ndi moto; sono Yisraele wakapokanga wo ŵangupoka iyo, atiti Ambuya.

Yoswa 15:56

Yezerele, Yokodeama, Zanoa,

1 Samuele 29:1

Sono ŵaFilisti ŵanguwunjika nkhondo yawo yose pa Afeke: ndipo ŵaYisraele ŵangugoŵa pafupi ndi chisima cho che mu Yezerele.