Yoswa 17:13 - Tonga Bible 1986

¹³ ŴaYisraele ŵanguti ŵakuwa mu nthazi, ŵanguŵaŵika ŵaKanani ku nchitu zakuchichizgika, ndipo kuti ŵanguŵadikiskamo wose cha.

Yoswa 17:13 Referans Kwoze

Yoswa 16:10

Ndipuuli kuti ŵanguŵadikiskamo ŵaKanani ŵakuja mu Gezere cha; viyo ŵaKanani ŵakuja mukati mu ŵaEfraimu mpaka ku zuŵa line, kweni ŵaŵa ŵaŵanda ŵakuchita nchitu yakuchichizgika.

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

2 Petro 3:18

Kweni kuliyanimu wezi ndi mziŵiru wa Ambuyafwe ndi Mtaski Yesu Kristu. Mwaku iyo kuŵiye unkhankhu wo sono ndi ku zuŵa lamuyaya. Ameni.

ŴaEfeso 6:10

Pakumariya, muŵe ŵanthazi mu Mbuya, ndi mu likongono la ukhomi wake.

2 Samuele 3:1

Panguŵa nkhondo nyengo yitali pakati pa nyumba yaku Sauli ndi nyumba yaku Davidi; ndipo Davidi wakuwanga-kuwanga mu nthazi, po nyumba yaku Sauli yatomborokangatomborokanga.

Ŵeruzgi 1:35

Amori ŵangujaririya mu Har-heresi, mu Aijaloni, ndi mu Shalbimu, kweni janja la nyumba yaku Yosefe linguŵazitiska iwo weniukongwa, ndipo ŵanguŵeteke ku nchitu ya kuchichizgika.

Ŵeruzgi 1:33

Naftali kuti wangudikiskamo cha ŵakuja mu Beteshemeshe, pamwenga ŵakuja mu Beteana, kweni ŵajanga mukati mu ŵaKanani, ŵakuja mu charu cho; ndipuuli ŵakuja mu Beteshemeshe ndi ŵamu Beteana ŵanguŵeteke kuchita nchitu yakuchichizgika yaku wo.

Ŵeruzgi 1:30

Zebuluni kuti wangudikiskamo cha ŵakuja mu Kitroni, pamwenga ŵakuja mu Nahalolu; kweni ŵaKanani ŵajanga mukati mwawo, ndipo ŵanguŵeteke ku nchitu yakuchichizgika.

Ŵeruzgi 1:28

Penipo ŵaYisraele ŵangukuwa munthazi ŵanguŵika ŵaKanani ku nchitu yakuchichizgika, kweni kuti ŵanguŵadikiskamo wose cha.

Chiyambo 49:15

wanguwona kuti malo gha chipumulu ghenga ghamampha ndi kuti charu chenga chakukondweska; viyo wanguŵeramiya phewa lake ku chinyama ndipo wangusanduka muŵanda ku nchitu yakuchichizgika.

1 ŴaKaronga 9:21

Ŵana ŵawo wo ŵangusiyika pavuli pawo mu charu, ŵeniwo ŵaYisraele ŵangutondeka kuŵamariya limu; yaŵa Solomoni wanguŵachita msonkho wa ŵaŵanda, viyo ndimu ŵaliri mpaka zuŵa lino.