Yoswa 17:1 - Tonga Bible 1986

¹ Sono charu chingupaskika ku fuku laku Manase, pakuti wenga wa umwali waku Yosefe. Kwaku Makiri wa umwali waku Manase, wiske waku Gileada, kungupaskika Gileada ndi Bashani, chifukwa wenga munthu wankhondo.

Yoswa 17:1 Referans Kwoze

Maŵerengedu 26:29

Ŵana waku Manase mwaku Makiri, ndimu mukutuwa ŵaMakiri, ndipo Makiri ndiyo wenga wiske waku Gileada; kwaku Gileada, ndimu mukutuwa ŵaGileada.

Chiyambo 41:51

Yosefe wangudana zina la mwana wake wa umwali Manase, “Chifukwa,” wanguti, “Chiuta wandiruwiska maunonono ghangu ghose ndi nyumba ya ada.”

Chiyambo 50:23

Ndipo Yosefe wanguwona ŵana ŵaku Efraimu ŵamu mphapu ya chitatu; ŵana so ŵaku Makiri mwana munthurumi waku Manase wanguwiya pa makongono ghaku Yosefe.

Chiyambo 46:20

Ndipo kwaku Yosefe mu charu cha Egipiti ŵangupapika Manase ndi Efraimu, ŵeniwo Asenata, mwana munthukazi waku Potifara mzukuru waku Ono, wangumupapiya,

Chiyambo 48:18

Ndipo Yosefe wanguti ku awiske, “Viyo cha ada, pakuti ndiyu waumwali; ŵikani janja linu lakurghiya pa mutu wake.”

1 Mikoka 2:23

Kweni Geshuri ndi Aramu ŵanguto kwaku iwo Havoti-jairi, Kenati ndi mizi yake mizi machumi ghankhonde ndi limoza (60). Yose iyi yenga yaku Makiri, wiske waku Gileada.

Ŵeruzgi 5:14

Kutuwa kwaku Efraimu ŵangurutakurazga mu dambo, kukurondo, Benjamini, pamoza ndi ŵabali ŵako; kutuwa ku Makiri ŵangusika ŵakulangula, kutuwa kwaku Zebuluni wo ŵapinga nthonga ya murongozgi wa nkhondo;

Marangu 21:17

Kweni wamutumbikenge wakudanga kupapika, mwana wa wakutinkhika, pakumupaska vigaŵa viŵi vyaku vyose vyo we navyo, pakuti ndiyo ndopa zake zakudanga, mazaza gha wakupapika wakudanga ndi ghake.

Maŵerengedu 32:33

Ndipo Mosese wangupaska ku ŵina Gadi, ŵina Rubene, ndi ku fuko la nusu laku Manase mwana waku Yosefe, charu chaku Sihoni Karonga waAmori, ndi charu chaku Ogi karonga waku Bashani, charu ndi misumba yake ndi vigaŵa vyawo, misumba yamu charu chose.

Maŵerengedu 27:1

Ndipo kunguza ŵana ŵanthukazi ŵaku Zelofehada mwana waku Hefere, mwana waku Gileada, mwana waku Makiri, mwana waku Manase, wa mbumba ya ŵina Manase, mwana waku Yosefe. Mazina gha ŵana ŵake ŵanthukazi ghenga yagha: Mahala, Nowa, Hogla, Milka, ndi Tirza.

Chiyambo 48:17

Penipo Yosefe wanguwona kuti awiske ŵaŵika janja la marghe pa mutu waku Efraimu chingumukarariska: ndipo wanguto janja la awiske kulituzgapo pa mutu waku Efraimu kuliŵika pa mutu Manase.

Yoswa 17:2

Ndipo kungupaskika ku ŵakujapo ŵa fuku laku Manase mu mbumba zawo, Abiezere, Heleke, Asriele, Shekemu, Hefere, ndi Shemida; yaŵa ŵenga ŵana ŵanthurumi ŵaku Manase mwana waku Yosefe, kwakuyana ndi mbumba zawo.

Yoswa 22:7

Ndipo ku nusu wa fuku laku Manase wangupereka chihara mu Bashani, kweni ku nusu yinyake Yoswa wangupereka chihara pafupi ndi ŵabali ŵawo mu charu chenichiya ku zambwe kwa Yordane. Ndipo Yoswa wanguti wa ŵawezge ku mizi yawo ndi ku ŵatumbika,

Ezekiele 48:4

Wakupakana ndi Naftali, kutuwa ku vuma kufika ku zambwe, Manase, mphande limoza.

Chiyambo 41:52

Zina la wachiŵi wangudana Efraimu, “Chifukwa chiuta wandipaska kwandana mu charu cha masuzgu ghangu.”

2 Samuele 2:9

Ndipo wangumuŵika karonga pa Gileada pa ŵaAshuru ndi Yezerele ndi Efraimu ndi Benjamini ndi Yisraele yose.

Ezekiele 47:13

Viyo atiti Ambuya Chiuta: “Izi ndi mphaka zenizo mukagaŵanga nazo charu nge nchihara mu mafuku chumi ndi ghaŵi ghaku Yisraele. Yosefe wakaŵanga ndi maphande ghaŵi.