Yoswa 15:2 - Tonga Bible 1986

² Mphaka yawo kuchiri ku malaŵi yituwa pa chigoti cha Nyanja ya Mche, kutuwa pa dowoko la lilereska kuchiri ku malaŵi;

Yoswa 15:2 Referans Kwoze

Ezekiele 47:8

Wangundinene, “Maji yagha ghasikiya ku chigaŵa chaku vuma, ndipo gharuta mpaka mu Araba; ndipo po ghasere mu maji ghaheni ghamu nyanja, maji ghamu nyanja gho ghakaŵanga ghamampha.

Yesaya 11:15

Ndipo Ambuya akamariyanga limu lilime laku nyanja ya Egipiti; ndipo wakazungung'anga janja lawo pa Msinji ndi mphepo yawo yakocha, kuwukoso mu ngalonde zinkhonde ndi ziŵi alinga kuti ŵanthu ŵambukenge pa yumu.

Chiyambo 14:3

Ndipo wose yaŵa ŵangusazgana maŵanja mu dambo la Sidimi (yo ndi nyanja ya mche).

Ezekiele 47:18

“Kuchiri ku vuma, mphaka yikatuwanga ku Hazarenoni pakati pa Haurani ndi Damasko; mumphepeti mwa Yordane pakati pa Gileada ndi charu cha Yisraele; ku nyanja yaku vuma kurutiliya ku Tamara. Uku nkhuchiri ku vuma.

Yoswa 3:16

maji ghakusika kutuwa kunena ghanguma, ndipo ghanguŵa ndundu kutali, ku Adama, musumba wa pafupi ndi Zaretana, ndipo maji ghakulazga ku nyanja ya mu Araba, Nyanja ya Mche, ghose ghangudumulika, ŵanthu ŵangwambuka pa kulereskana ndi Yeriko.

Maŵerengedu 34:3

kuchiri ku malaŵi kutuwa ku bozwa la Zini mumphepete mwa Edomu, mphaka yinu kuchiri ku malaŵi yikaŵanga kutuliya ku umari wa Nyanja ya Mche ku vuma;

Yoswa 15:1

Ndipo mphenduzga ya fuku laku Yuda kwakuyana ndi mbumba zawo yingufika kuchiri ku malaŵi ku mphaka ya Edomu, ku bozwa la Zini ku malaŵi iku.

Yoswa 15:3

yiruta kubwalo kuchiri ku malaŵi ku chikwera chaku Akrabimu, yijumpha mpaka ku Zini, kukwere ku malaŵi kwa Kadeshbarnea, kwendichika mu Hezroni, kukwere ku Adara, kung'anamukiya ku Kara,