Yoswa 15:11 - Tonga Bible 1986

¹¹ yituwa ndi kufika ku mtunthu waku nkhonde ku Ekroni, po mphaka yizunguliya ku Shikeroni, ndi kurutiliya ku phiri Bala, yituwa kurazga ku Yabanele, sono yituza ku chigoti ku nyanja.

Yoswa 15:11 Referans Kwoze

2 ŴaKaronga 1:16

wanguti kwaku iyo, “Ambuya atiti, ‘Watuma mathenga kwachifumba kwaku Balazebubi chiuta waku Ekroni, kumbi nchifukwa chakuti mulivi Chiuta mwaku Yisraele kufumba iyo cho wangakamba? Chifukwa cho kuti ukasikangapo cha pachita cho ugonapo, kweni nadi ukafwanga.’ ”

2 ŴaKaronga 1:6

Iwo ŵanguti kwaku iyo, “Kunguza munthu kuzachikumana nafwe, ndipo wangunena nafwe, ‘Wereni ku karonga yo wakutumani, mukamunene kuti, Viyo ndimo akambiya Ambuya, Kumbi nchifukwa chakuti mulivi Chiuta mwaku Yisraele, kuti mutuma kwachifumba kwaku Balazebubi, chiuta waku Ekroni? Pa chifukwa ichi kuti ukasikangapo cha pa chita po wagona, kwakuneneska ukafwanga.’ ”

1 Samuele 7:14

Misumba yo ŵaFilisti ŵanguronda ku ŵaYisraele yinguwezgeke ku ŵaYisraele kutuwa ku Ekroni mpaka ku Gata; ndipo ŵaYisraele ŵangupoka chigaŵa chawo kujanja la ŵaFilisti. Panguŵa so chimangu pakati pa ŵaYisraele ndi ŵaAmori.

1 Samuele 5:10

Viyo ŵangutuma bokosi la phanganu laku Chiuta ku Ekroni. Linguti lafika bokosi laku Chiuta ku Ekroni, ŵanthu ŵaku Ekroni ŵangubongo ŵakuti, “Watiziya ifwe ndi bokosi laku Chiuta waku Yisraele kwazitibaya ifwe ndi ŵanthu ŵidu.”

Yoswa 15:45

Ekroni Misumba yake ndi mizi yake;

Yoswa 15:9

po mphaka yirutiliya kutuwa pachanya pa phiri mpaka ku chisima cha maji gha Nefetoa, ndipo kutuwa kuwa mpaka ku misumba yaku phiri la Efroni, po mphaka yizunguliya ku Bala (yo ndi Kiriata-jearimi);

Yoswa 15:10

ndipo yizgomba ku zambwe kwa Bala ku phiri la Seiri, yirutiliya ku phiri Jearimi ku nkhonde (yo ndi Kesalono), yiruta ndi kusikiya ku Bete-shemeshe, ndi kujumpha pa Timina;

Yoswa 15:12

Ndipo mphaka yaku zambwe ndi Nyanja Yikuru ndi likumba lake. Iyi ndi mphaka ya kuzunguliya ŵaYuda kwakuyana ndi mbumba zawo.

1 Samuele 17:52

Ndipo ŵaYisraele ndi ŵaYuda wangusoka ndi kukambura ŵangurondo ŵaFilisti mpaka ku Gata ndi ku vipata vya Ekroni mwakuti ŵakupwetekeka ŵa ŵaFilisti ŵanguwa mu nthowa kutuwa pa Sharaimi mpaka ku Gata ndi Ekroni.

Maŵerengedu 34:6

“Kuchiri ku zambwe, mukaŵanga ndi Nyanja Yikuru ndi likumba lake; iyi ndiyu yikaŵanga mphaka yinu ku zambwe.

Ŵeruzgi 1:18

Yuda wangupoka so Gaza ndi charu chake, Ashikeloni ndi charu chake, ndi Ekroni ndi charu chake.

1 Samuele 5:8

Viyo ŵangudanana ndi kuwungana pamoza mafumu ghose gha ŵaFilisti, ŵanguti, “Tikachitanganji ndi bokosi laku Chiuta wa ŵaYisraele?” Wangwamuka ŵanguti, “Rekani bokosi laku Chiuta waku Yisraele litoreke ku Gata.” Viyo ŵanguruta nalo ku Gata.

2 Mikoka 26:6

Wanguruta ndi kurwa nkhondo ndi ŵaFilisti ndi wangubwanganduwa linga la Gati ndi linga la Yabine, ndi linga la Ashidodi ndi kunyake mu ŵaFilisti.