Yoswa 14:12 - Tonga Bible 1986

¹² Viyo sono ndipaske charu cha mtunthu ichi cho Ambuya angunena pa zuŵa liya; pakuti ugujivwiya zuŵa liya mo ŵina Anakimi ŵanguŵiyako, ndi misumba yikuru ya malinga: kokuli Ambuya akaŵanga nane, ndipo ndikaŵatuzgangamo uli ndimo Ambuya angunene.”

Yoswa 14:12 Referans Kwoze

ŴaHebere 11:33

Weniwo mu chivwanu ŵangugoda maufumu, ŵanguchita urunji, ŵangufikapo pa mapanganu, ŵangujara milomo ya zinkharamu,

ŴaFilipi 4:13

Ndiziŵa kuchitiya vyose mwaku Kristu mweniyo watindikhomeska.

Maŵerengedu 13:33

Ndipo kweni kuwati nguwonako vinkhara (ŵina Anaka, wo ndi ŵana ŵa ŵaNedilimu); ndipo ifwe tingujiwona ulaka nge mbaphanana, ndipo ndimu tinguŵiya mu maso ghawo.”

Maŵerengedu 13:28

Kweni ŵanthu ŵakuja mu charu cho mbanthazi, mizi nja malinga njikuru ukongwa; pade paku ivi, tinguwona ŵa mphapu ya ŵina Anaka kwenikuwa.

ŴaRoma 8:31

Viyo tikatingenji kwaku vyenivi? Asani Chiuta we kuchiri kwaku ifwe, wakumikana nafwe njani?

Yoswa 15:14

Ndipo Kalebe wangudikiskamo ŵana ŵatatu ŵaku Anaki, Sheshai, Ahimana, ndi Talmai, ŵazukuru ŵaku Anaki.

Sumu 60:12

Pamoza ndi Chiuta tikachitanga kwakukhuza; ndipo wakandirizgenge ŵakumikana nafwe.

Sumu 44:3

chifukwa kuti ŵangupoka charu ndi lipanga lawo cha, ndipo kuti ndi mkono wo unguŵapaska kupunda cha; kweni ndi janja linu lakurghiya, ndi mkono winu, ndi kuŵala kwa chisku chinu; chifukwa mungukondwere mwaku iwo.

2 Mikoka 14:11

Ndipo Asa wanguririya kwa Ambuya Chiuta wake kuti, “Ambuya Chiuta, wakulingana ndi imwe nkhulivi, kovya pakati pa ŵanthazi ndi ŵambura nthazi. Tovyeni Ambuya Chiuta widu, pakuti tiyegeme kwinu, ndipo mu zina linu tizirwi ndi chimzinda ichi. Ambuya ndimwe Chiuta widu munthu kuti wangamtondani cha.”

1 Samuele 14:6

Ndipo Jonafani wangukamba ndi munyamata wakupinga vidya vyake, “Tiye tambukiye ku linga la ŵanthu ŵambura kuchinjika yaŵa panyake Ambuya atichitiyenge nchitu; chifukwa palivi ko kangakanizga Ambuya kureka kutaska, manyi mpha unandi pamwenga pa umana.”

Ŵeruzgi 1:20

Ndipo Hebroni wanguperekeka kwaku Kalebu, uli ndimo Mosese wangukambiya; ndipo wangudikiskamo ŵana ŵanthurumi ŵatatu ŵaku Anaki.

Maŵerengedu 21:34

Ndipo Ambuya angunena ndi Mosese, “Ungawopanga cha; chifukwa ndamupaska mu janja lako, pamoza ndi ŵanthu ŵake wose, ndi charu chake; mo unguchitiya kwaku Sihoni Karonga wa Amori, yo wajanga mu Heshiboni, ndimu Ukachitiyanga ndi kwaku uyu nayo.”

Marangu 1:28

Tikwere nunkhu? Ŵabali ŵidu ŵagongoweska mitima yidu kuti, “Ŵanthu mbakuru ndi mbatali kwakuruska ifwe; mizi nayo njikuru ndipo ye ndi malinga ghakugota kuchanya, ndipo so tawonako ŵana ŵa Anakimu kwenikuwa.” ’

2 ŴaKaronga 19:4

Kokuli Ambuya Chiuta wako wavwa ghose gha nduna ya ŵeruzgi, mweniyo mbuyake karonga wa Asiriya watuma kuzachitombozga Chiuta wamoyo, ndipo wakasuskanga vyo iwo Ambuya Chiuta wako wavwa; chifukwa cho soska rombu lako kurombe ŵakujapo wo ŵasiyaka.’ ”

Marangu 9:1

“Vwani ŵaYisraele, zuŵa lino mukambukanga Yordane kwa chisere ndi kwachironda mitundu yikuru ndi yanthazi kuruska imwe, msumba yikuru ndi malinga ghatali kufika kuchanya,

Marangu 9:3

Viyo ziŵani zuŵa lino kuti Ambuya Chiuta winu ndiyo wakudanjiriyeninge pa nthazi nge ndi moto wakunyeka; wakuŵapasuwa ndi wakuŵapunda pa nthazi pinu; viyo mwakuŵadikiska ndi kuŵapasuwa ruŵiruŵi nge ndimo Ambuya akupanganirana namwe.