Yoswa 14:11 - Tonga Bible 1986

¹¹ Ndeche wanthazi nyengo yinu nge ndimo ndinguŵiya pa zuŵa lo Mosese wanditumiyanga, mo nthazi zangu zinguŵiya pa nyengo yiya ndimo ziliri ndasono pano zakurwiya nkhondo, pa kuruta ndi pakuwe.

Yoswa 14:11 Referans Kwoze

Marangu 34:7

Mosese wenga wa virimika machumi pe chumi pachanya machumi ghaŵi (120) pa ura wake wachifwa. Jiso lake lengavi kuchita ndandi chingana ndi nthazi yake yengavi kugowoka.

Sumu 103:5

Wo atikugutiska vyamampha mu umoyo wako wose, reka unyamata wako uweremo nge ndi nombo.

Marangu 31:2

Ndipo wanguti kwaku wo, “Msana wale nde wa virimika machumi pe chumi pachanya machumi ghaŵi (120) vya umoyo wangu, kuti ndeche so ndi nthazi cha zakutuliya kubwalo ndi kuserere mu nyumba. Ambuya akundinene, ‘Kuti wambukenge Yordane uyu cha.’

Sumu 90:10

Virimika vya umoyo widu vye machumi ghankhonde ndi ghaŵi pe, pamwenga virimika machumi ghankhonde ndi ghatatu asani tarutiliyako; ndipuuli cho vititipingiya ifwe ndi suzgu ndi chitima; umoyo umara ruŵi, ndipo ifwe tiruta.

Yoswa 14:10

Sono ehe, Ambuya andisunga ŵamoyo, nge ndimo angukambiya, virimika ivi machumi ghanayi ndi vinkhonde (45) kutuliya pa nyengo yo Ambuya angukambiya mazu yagha kwaku Mosese, po Yisraele wenga weche kwenda mu bozwa; ndipo sono; alereni pa zuŵa lino ndendi virimika, machumi ghankhonde ndi ghatatu pachanya vinkhonde (85).

Marangu 33:25

Vikhozgeru vyako vikaŵanga chisulo ndi mkuŵa, ndipo uli ndi mazuŵa ghako, ndimo kukaŵiyanga kulimba kwako.

Yesaya 40:31

kweni wo ŵalindizga Ambuya, ŵakawerezgangamo nthazi zawo, ŵakaphururukanga ndi mapapa uli ndi nombo, ŵakachimbiyanga kwambura kugongowa, ŵakayendanga kwambura kuvuka.