Yoswa 14:10 - Tonga Bible 1986

¹⁰ Sono ehe, Ambuya andisunga ŵamoyo, nge ndimo angukambiya, virimika ivi machumi ghanayi ndi vinkhonde (45) kutuliya pa nyengo yo Ambuya angukambiya mazu yagha kwaku Mosese, po Yisraele wenga weche kwenda mu bozwa; ndipo sono; alereni pa zuŵa lino ndendi virimika, machumi ghankhonde ndi ghatatu pachanya vinkhonde (85).

Yoswa 14:10 Referans Kwoze

Maŵerengedu 14:30

Palivi yumoza wakaserenga mu charu cho ndingurapa kuti mwamujamo, kweni Kalebe pe mwana waku yefune ndi Yoswa mwana waku Nuni.

Yoswa 11:18

Yoswa wanguchita nkhondo ndi ŵakaronga ŵa, kwanyengo yitali.

Yoswa 13:1

Sono Yoswa wangukota wakuŵa ndi virimika vinandi; ndipo Ambuya angunena nayo, “Wakota we wa virimika vinandi, ndipo charu cheche waka chikuru cho chingagaŵika.

Yoswa 14:9

Ndipo Mosese wangurapa pa zuŵa liya, kuti, ‘Ndineneska charu cho rundi lako lakandapo chikaŵanga chihara chako ndi ŵana ŵako muyaya, chifukwa kwakufikapo warondo Ambuya Chiuta wangu.’

Yoswa 14:11

Ndeche wanthazi nyengo yinu nge ndimo ndinguŵiya pa zuŵa lo Mosese wanditumiyanga, mo nthazi zangu zinguŵiya pa nyengo yiya ndimo ziliri ndasono pano zakurwiya nkhondo, pa kuruta ndi pakuwe.

Sumu 91:7

Ŵakuwiyenge ŵanthu chikwi, vikwi chumi ŵakuzingirizgenge, kweni kuti ukapwetekekanga cha.

Sumu 107:4

Ŵanyake ŵanguyingayinga mu bozwa la chiparamba, ndipo kuti ŵangusaniya nthowa ya ku muzi wakujamo cha.

Maŵerengedu 14:38

Kweni Yoswa mwana waku Nuni ndi Kalebe mwana waku Yefune wo ŵenga ŵamoza ŵa ŵanthu wo ŵangusiyika ŵamoyo.