Yoswa 14:1 - Tonga Bible 1986

¹ Ndipo ivi ndi vihara vyo ŵaYisraele ŵanguronde mu charu cha Kanani, vyenivyo Eleazara mzukuru, ndi Yoswa mwana waku Nuni, ndi ŵarongozgi ŵa nyumba za auskeu ŵa mafuku gha ŵaYisraele ŵanguŵagaŵiya.

Yoswa 14:1 Referans Kwoze

Machitidu gha Ŵakutumika 13:19

Ndipo wanguti wapopeska mitundu yinkhonde ndi yiŵi mu charu cha Kanani, wanguŵapaska charu chaku wo nge nchihara, akhumba ku nyengo ya virimika machumi pe chumi ghanayi ndi machumi ghankhonde;

Maŵerengedu 34:13

Mosese wangulanguliya ŵaYisraele, wanguti “Ichi ncharu cho mukaharanga ndi mphenduzga, cho Ambuya akhozga kuti chipaskike ku mafuku ghankhonde ndi ghanayi pamoza ndi fuku la nusu;

Maŵerengedu 34:16

Ambuya angunena ndi Mosese,

Marangu 12:10

Kweni mwamukwambuka Yordane, ndi kwachija mu charu chenicho Ambuya Chiuta winu watukupaskani kuchihara. Ndipo Chiuta wakumpumuzgani ku ŵarwani ŵinu wose ŵakumuzungurizgani, mwakuti mujenge mu chimangu.

Yoswa 13:6

wose ŵakuja mu charu cha mtunthu kutuwa ku Lebanoni mpaka ku Misrafoto-Maimi, ndipo ndi ŵaSidoni wose, ine ndamwene ndiŵadikiskenge paurongo pa ŵaYisraele; uŵagaŵiye charu ŵaYisraele chiŵenga chihara, nge ndimo ndakulanguliya.

Yoswa 19:51

Ivi ndi vihara vyenivyo Eleazara mzukuru ndi Yoswa mwana waku Nubi ndi ŵaraŵara ŵa nyumba za auskeu ŵa mafuku gha ŵaYisraele ŵangugaŵiya mu mphenduzga pa Shilo paurongo pa Ambuya, pa khomo la hema lakuwunganamo. Viyo wangumara kugaŵa charu cho.

Yoswa 21:1

Sono ŵaraŵara ŵa nyumba za auskeu ŵa ŵaLevi ŵanguza kwaku Eleazara mzukuru ndi Yoswa mwana waku Nuni ndi ku ŵara ŵa nyumba za auskeu ŵa fuku la ŵaYisraele;

Ezra 7:5

mwana waku Abishuya, mwana waku Eleazara mwana waku Aroni, mzukuru mura.

Ezekiele 45:1

“Penipo mugaŵa charu nge nchihara, muŵaŵikiye pade Ambuya chigaŵa cha charu nge nchigaŵa chituŵa, mikono vikwi machumi ghaŵi ndi vinkhonde (25,000) utali, ndi vikwi machumi ghaŵi (20,000) usani; chikaŵanga chakupaturika mu mphaka zake zose.