Yoswa 13:7 - Tonga Bible 1986

⁷ Sono mu chifukwa ichi gaŵa charu ichi Kuŵa chihara ku mafuku gha nkhonde ndi ghanayi ndi fuku la nusu laku Manase.”

Yoswa 13:7 Referans Kwoze

Maŵerengedu 33:54

Mukaharanga charu ndi mphenduzga kwakulingana ndi mafuku ghinu; ku fuku likuru mukaperekanga chihara chikuru, ndipo ku fuku limana mukaperekanga chihara chimana; ko kose mphenduzga yaŵiya munthu we yose, kweniko ndiku kukaŵanga kwake; kwakuyana ndi mafuku gha auskemwe ndimu mukahariyanga.

Yoswa 13:6

wose ŵakuja mu charu cha mtunthu kutuwa ku Lebanoni mpaka ku Misrafoto-Maimi, ndipo ndi ŵaSidoni wose, ine ndamwene ndiŵadikiskenge paurongo pa ŵaYisraele; uŵagaŵiye charu ŵaYisraele chiŵenga chihara, nge ndimo ndakulanguliya.

Yoswa 13:8

Nge mbina Rubene ndi ŵina Gadi ŵakuromba chihara chawo, pamoza ndi nusu linyake laku Manase, Mosese wakuŵapaska chihara chawo kusirgha la Yordane kuchiri kuvuma; nge ndimo Mosese mteŵeti wa Ambuya wakuŵapaskiya;

Sumu 78:55

Wangudikiska mitundu paurongo pawo, wanguŵagaŵiya chihara chawo ndi mweso, ndi kujarika mafuku ghaku Yisraele mu mahema ghawo.

Sumu 105:44

Anguŵapaska vyaru vya ŵalendo, anguŵazomerezga kuto minda yawo,

Ezekiele 45:1

“Penipo mugaŵa charu nge nchihara, muŵaŵikiye pade Ambuya chigaŵa cha charu nge nchigaŵa chituŵa, mikono vikwi machumi ghaŵi ndi vinkhonde (25,000) utali, ndi vikwi machumi ghaŵi (20,000) usani; chikaŵanga chakupaturika mu mphaka zake zose.

Maŵerengedu 34:13

Mosese wangulanguliya ŵaYisraele, wanguti “Ichi ncharu cho mukaharanga ndi mphenduzga, cho Ambuya akhozga kuti chipaskike ku mafuku ghankhonde ndi ghanayi pamoza ndi fuku la nusu;

Yoswa 14:2

Vihara vyawo vyenga vya mphenduzga, pa mafuku ghankhonde ndi ghanayi ndi nusu, nge ndimo Ambuya angulanguliya Mosese,