Yoswa 13:6 - Tonga Bible 1986

⁶ wose ŵakuja mu charu cha mtunthu kutuwa ku Lebanoni mpaka ku Misrafoto-Maimi, ndipo ndi ŵaSidoni wose, ine ndamwene ndiŵadikiskenge paurongo pa ŵaYisraele; uŵagaŵiye charu ŵaYisraele chiŵenga chihara, nge ndimo ndakulanguliya.

Yoswa 13:6 Referans Kwoze

Yoswa 11:8

Ndipo Ambuya anguŵapereka mu janja laku Yisraele, yo wanguŵakoso ndi kuŵadikiska mpaka kwachifika ku Sidoni mukuru ndi Misirefoto-maimi, ndi kuchiri ku vuma mpaka ku dambo la Mizpa; wanguŵabaya, mpaka po wengavi kusiyako nanga njumoza.

Yoswa 23:13

ziŵani kwa kuneneska kuti Ambuya Chiuta winu kuti wakalutiriyanga cha kudikiska mitundu iyi paurongo pinu; kweni wakaŵanga chikhwiriki ndi chiŵana kwaku imwe, likhwechu mu mbaghara zinu, ndi minga mu maso ghinu, mpaka po mwasisitika kutuwamo mu charu chamampha ichi cho Ambuya Chiuta winu wakupaskani imwe.

Yoswa 23:4

Awonani, ndakugaŵiyani kuŵa chihara cha mafuku ghinu mitundu yo yichalipo, pamoza ndi mitundu yose yo ndikudumuwa kali, kutuwa ku Yordane mpaka ku Nyanja Yikuru ku zambwe.

Maŵerengedu 33:54

Mukaharanga charu ndi mphenduzga kwakulingana ndi mafuku ghinu; ku fuku likuru mukaperekanga chihara chikuru, ndipo ku fuku limana mukaperekanga chihara chimana; ko kose mphenduzga yaŵiya munthu we yose, kweniko ndiku kukaŵanga kwake; kwakuyana ndi mafuku gha auskemwe ndimu mukahariyanga.

Yoswa 13:7

Sono mu chifukwa ichi gaŵa charu ichi Kuŵa chihara ku mafuku gha nkhonde ndi ghanayi ndi fuku la nusu laku Manase.”

Sumu 80:8

Munguza ndi mphereska kutuwa ku Egipiti; mungudikiskamo mitundu mu charu ndipo munguyipanda.

Yoswa 1:6

Uŵi wanthazi, khwima mtima; chifukwa iwe ukahariskanga khamu ili charu cho ndingurapiya auskeu kuŵapaska.

Yoswa 11:12

Ndipo ndi misumba yose ya wakaronga ŵa, ndi ŵakaronga ŵawo wose, Yoswa wanguto ndipo wanguŵakoso ndi lipanga, kuŵamariya limu, nge ndimo Mosese mteŵeti wa Ambuya wangulanguliya.

Yoswa 23:5

Ambuya Chiuta winu wakaŵadikiskiyanga kuvuli, ndi kuŵatuzgapo pamaso pinu; ndipo mukajanga mu charu chawo, uli ndimo Ambuya Chiuta winu wangupangirana namwe.