Yoswa 13:31 - Tonga Bible 1986

³¹ ndi lwandi la Gileada, ndi Ashitaroto, ndi Edrei, misumba ya ufumu waku Ogi mu Bashani; iyi yingugaŵikiya ku ŵina Makiri mwana waku Manase nusu la ŵina Makiri kwakuyana ndi mbumba zawo.

Yoswa 13:31 Referans Kwoze

Yoswa 12:4

ndi Ogi karonga wa Bashani, yumoza wa wakujapo wa ŵaRefa, wo ŵajanga pa Hoshitaroto ndi pa Edrei,

Yoswa 9:10

ndi vyose vyo wanguchita ku ŵakaronga ŵaŵi ŵa Amori wo ŵenga kusirgha la Yordane, Sihoni karonga wa Heshiboni ndi Ogi karonga wa Bashani, yo wajanga mu Ashitarote.

Yoswa 13:12

ufumu wose waku Ogi muBashani, yo wausanga mu Ashitaroto ndi mu Edrei (ndiwo pe ŵangujapo ŵa ŵaRefaimi); yaŵa Mosese wanguŵathereska ndi kuŵadikiskamo.

Yoswa 13:32

Ivi ndi vihara vyo Mosese wangugaŵa mu madambo gha Moabu kusirgha ku Yordane kuvuma kwa Yeriko.

Yoswa 17:6

Chifukwa ŵana ŵanthukazi ŵaku Manase ŵanguronde chihara pamoza ndi ŵana ŵake ŵanthurumi, Charu cha Gileada chingupaskika ku ŵakujapo ŵa ŵina Manase.

Ŵeruzgi 10:6

Ndipo ŵaYisraele ŵanguwerezgapo kuchita uheni mu maso gha Ambuya, ŵangutataliya ŵaBala, ndi Ashitaroto, ŵachiuta ŵa Siriya, ŵachiuta ŵa Sidoni, ŵachiuta ŵa Moabu, ŵachiuta ŵa Amori, ndi ŵachiuta ŵa ŵaFilisti; ndipo ŵangujowo Ambuya, ndi kureka kuŵatataliya.

1 Samuele 7:3

Penipo Samuele wangunena ndi nyumba yaku Yisraele, “Asani mung'anamukiya ku Ambuya ndi mtima winu wose, iku tuzgani ŵachiuta ŵachilendo ndi Ashitaroto mukati, rongozgiyani mitima yinu ku Ambuya, mteŵetiyeni iyo, ndipo wakamupozomoskaninga mu janja la ŵaFilisti.”

1 Samuele 12:10

Ndipo ŵanguliya ku Ambuya, wanguti, ‘Talakwa chifukwa taŵapata Ambuya, ndipo tateŵete Bala ndi Ashitaroto; kweni sono tipozomoskeni ku janja la ŵarwani ŵidu ndipo tikamuteŵetiyaninga.’

1 Mikoka 6:71

Ku ŵina Gershomu kungupaskika kutuwa mu nusu la fuku la ŵina Manase: Golani ndi Bashani ndi mauliska ghake, ndi Ashitaroto ndi mauliska ghake;

Sumu 60:7

Gileada ngwangu; ngwangu Manase; Efraimu nchivekeru cha mutu wangu; Yuda ndi ndodo yangu ya ufumu.

Yoswa 17:5

Viyo kunguŵa kwaku Manase vigaŵa chumi, pamoza ndi charu cha Gileada ndi Bashani, vyo vye kusirgha linyake la Yordane.

Ŵeruzgi 5:17

Gileada wanguja ku sirgha kwa Yordane; ndi Dani, chifukwa chine wanguja ndi ngaraŵa? Ashere wangutaka je pa likumba la nyanja, kurongoso vya kufika kwake.

Ezekiele 48:4

Wakupakana ndi Naftali, kutuwa ku vuma kufika ku zambwe, Manase, mphande limoza.