Yoswa 13:22 - Tonga Bible 1986

²² Balamu nayo, mwana waku Beori muukwi; ŵangumubaya ndi lipanga ŵaYisraele pamoza ndi ŵakubayika ŵanyake.

Yoswa 13:22 Referans Kwoze

Maŵerengedu 31:8

Ŵangubaya ŵakaronga ŵaku Midiani pamoza ndi ŵakubayika ŵawo: Evi, Rekeme, Zuru, Huru ndi Reba, ŵakaronga ŵankhonde ŵaMidiani; ndipo so ŵangubaya Balamu mwana waku Beori ndi lipanga.

Chivumbuzi 2:14

Kweni nde navyo vyawida kukususka iwe pakuti we nawo kweniko ŵanyake wo ŵakoreska chisambizgu cho chaku Balamu, yo wangusambizga Balaki kupong'a chiguŵisku paurongo pa ŵana ŵaku Yisraele, kurgha vinthu vyakubayikiya vyangoza, ndi kuchita ureŵi.

Yuda 1:11

Owe wo nawo! Pakuti ŵangukiya mu nthowa yaku Kaine, ndipo ŵangutunthwiya ku urandizgi waku Balamu chifukwa cha mphotu, ndipo ŵayowe mu chigaruka uli nchaku Kora.

2 Petro 2:15

Mbana ŵakutembeka; pakusiya nthowa yakurunjika, ŵarandizgika mu kurondo karusu kaku Balamu, mwana waku Beori, mweniyo wangwanja mphotu ya uwura urunji;

Maŵerengedu 24:1

Ndipo penipo Balamu wanguwona kuti kungukondweska Chiuta kutumbika Yisraele, kuti wanguruta cha, nge mpha nyengo zinyake, kwachombeza, kweni wangulazga chisku chake ku bozwa.

Chivumbuzi 19:20

Ndipo chingukoleka chikoku cho ndi pamoza nacho mchimi-mtesi yo, mweniyo wanguchita minthondwi pa maso pake, mwaku yeniyo wanguŵarandizgiya ŵeniwo ŵanguronde lisimbu la chikoku, ndi wo ŵalambiyanga chikozgu chake. Yaŵa ŵaŵi ŵangupong'eka ŵamoyo mu nyanja ya moto yo njakukole ndi fukunyira.

Maŵerengedu 23:23

Pakuti kulivi nyanga yakumikana ndi Yakobe, kulivi kombeza kwakumikana ndi Yisraele; sono kukambikenge paku Yakobe ndi Yisraele, ‘Ehe cho Chiuta wachita!’

Maŵerengedu 24:14

Viyo sono, ehe, ndiruta ku ŵanthu ŵangu, zanga, ndikakuziŵiskanga cho ŵanthu yaŵa ŵakachitanga ku ŵanthu ŵako mu mazuŵa gho ghatuza.”

Yoswa 13:23

Ndipo mphaka ya ŵina Rubene yenga Yordane. Ichi chenga chihara cha ŵina Rubene, kwakulingana ndi mbumba zawo pamoza ndi misumba yawo ndi mizi yawo.