Yoswa 12:6 - Tonga Bible 1986

⁶ Mosese, mteŵeti wa Ambuya, ndi ŵaYisraele ŵanguŵathereska; ndipo Mosese mteŵeti wa Ambuya wangupaska charu chawo kuŵachihara ku ŵaRubene ŵaGadi ndi nusu wa fuku la ŵina Manase.

Yoswa 12:6 Referans Kwoze

Maŵerengedu 32:33

Ndipo Mosese wangupaska ku ŵina Gadi, ŵina Rubene, ndi ku fuko la nusu laku Manase mwana waku Yosefe, charu chaku Sihoni Karonga waAmori, ndi charu chaku Ogi karonga waku Bashani, charu ndi misumba yake ndi vigaŵa vyawo, misumba yamu charu chose.

Maŵerengedu 32:29

Mosese wangunena nawo, “Asani ŵina Gadi ndi ŵina Rubene, munthu we yose yo ngwakunozgeke ku nkhondo paurongo pa Ambuya, walowokenge pamoza namwe Yordane ndi kuthereska charu paurongo pinu, po ndipo mukaŵapaskanga charu cha Gileada nge nchihara

Maŵerengedu 32:32

Tikalowokanga taŵakunozgeke nkhondo pa maso pa Ambuya mu charu cha Kanani, ndipo chigaŵa cha chihara chidu chikatiŵiyanga kusirgha linu la Yordane.”

Yoswa 14:3

pakuti Mosese wangupaska chihara cha kusirgha ku Yordane ku mafuku ghaŵi ndi fuku la nusu, kweni ku ŵaLevi kuti wangupaska chihara mukati mwawo cha.

Yoswa 18:7

Ŵina Levi ŵalivi chigaŵa mukati mwinu, pakuti uzukuru wa Ambuya ndiwo chihara chawo; Gadi, Rubene ndi Nusu la fuku laku Manase ŵakuronde kali chihara chawo kusirgha ku Yordane kuchiri ku vuma, chenicho Mosese mteŵeti wu Ambuya wakuŵapaska.”

Yoswa 22:4

Ndipo sono Ambuya Chiuta winu wapereka chipumulo ku ŵabali ŵinu, nge ndimo ŵangupanganirana nawo; viyo weni rutaninga ku mizi yinu mu charu mo mwe vihara vinu, vyenivyo Mosese mteŵeti wa Ambuya wangumpaskani kusirgha ku Yordane.

1 ŴaKaronga 4:19

Geberi mwana waku Uri, mu charu cha Gileada, charu chaku Sihori karonga wa Amori ndi Ogi karonga wa Bashani. Ndipo mwenga murongozgi yumoza mu charu chaku Yuda.