Yoswa 12:5 - Tonga Bible 1986

⁵ wanguwusa pa phiri Hermoni ndi Saleka ndi Bashani yose ku mphaka ya ŵaGeshuru ndi ŵaMakata, kujumpha ndi lwandi la Gileada kufika ku mphaka yaku Sihoni karonga wa Heshiboni.

Yoswa 12:5 Referans Kwoze

Marangu 3:14

Jairi mwina Manase, wanguto charu chose cha Arogobo, cho ndi Bashani, kwachifika ndi ku mphaka za ŵaGashuru ndi ŵaMayakata ndi kuchidika zina lake Havotijariri ndi kunu kule.)

1 Samuele 27:8

Sono Davidi ndi ŵanthu ŵake ŵangukwera, kwachirwa nkhondo ndi ŵaGeshuru, ŵaGirizi, ndi ŵaAmaleke; pakuti aŵa ndiwo ŵenga ŵakuja mu charu kutuliya ku mwaka kutuliya ku Shuru, mpaka ku charu cha Egipiti.

Yoswa 13:11

ndi Gileada, ndi chigaŵa cha ŵina Geshuru ndi Makata, ndi phiri lose la Hermoni, Bashani yose mpaka ku Saleka;

2 ŴaKaronga 25:23

Sono penipo ŵarongozge wose ŵa maŵanja ghankhondo ndi ŵanthu ŵawo ŵanguvwa kuti karonga wa Babiloni wakumika Gedaliya kuŵa mweruzgi mura, ŵanguza ndi ŵanthu ŵawo kwaku Gedaliya pa Mizipa, mazina ghawo Ishumaeli mwana waku Netaniya Johanani mwana waku Kareya, Seraya mwana waku Tauhumeti mwina Netofati ndi Jazaniya mwana waku Makati.

2 Samuele 23:34

Elifeleti mwana waku Ahasbayi waku Maka, Eliamu mwana waku Ahitofele waku Gilo,

2 Samuele 15:8

Pakuti ndamteŵeti wino ndingurapa rapu po ndenga ndeche kuja pa Geshuru mu Aramu, ndinguti, ‘Asani nadi Ambuya andiwezgiyenge so ku Yerusalemu, iku nkhaperekanga chisopo ku Ambuya.’ ”

2 Samuele 13:37

Kweni Absalomu wanguthaŵa, wanguya kwaku Talmai mwana waku Amihudu, karonga waku Geshuru, ndipo Davidi wanguliriya mwana wake zuŵa ndi zuŵa.

2 Samuele 3:3

wachiŵi Kileaba, waku Abgaili choko chaku Nabala waku Karmele; wachitatu wenga, Abisalomu mwana munthurumi waku Maka mwana munthukazi waku Talma karonga waku Geshuru;

Yoswa 12:1

Yaŵa mba karonga ŵa charu chiya, wo ŵaYisraele ŵanguthereska, ndi kuja mu charu chawo kusirgha kwa Yordane kuchiri kukutuliya kwa dazi, kwamba ku dambo la Arnoni kwachifika ku phiri la Hermoni, pamoza ndi Araba yose kuchiri ku vuma:

Yoswa 11:3

ku ŵaKanani ku vuma ndi ku zambwe, Amori, ŵaHiti, ŵaPerese, ndi ŵaYebusi mu charu cha mitunthu ndi ŵaHivi ŵa pasi paku Hermoni mu charu cha Mizpa.

1 Mikoka 5:11

Ŵana ŵaku Gadi ŵanguja kwakulereskana nawo mu charu cha Bashani mpaka ku Saleka;

Yeremiya 40:8

ŵanguruta kwaku Gedaliya pa Mizipa ndipo Ishimaele mwana waku Netaniya, Yohanani mwana waku Kareya, Seraya mwana waku Tenahumete, ŵana ŵaku Efai mu Netofate, Jezaniya mwana waku Makata, iwo ndi ŵanthu ŵawo.