Yoswa 11:23 - Tonga Bible 1986

²³ Viyo Yoswa wanguronda charu chose, kwakuyana ndi vyose vyo Ambuya angukamba ndi Mosese; Yoswa wanguchipereka kuŵa chihara ku ŵaYisraele ku fuku ndi fuku ndipo charu chingupumuwa ku nkhondo.

Yoswa 11:23 Referans Kwoze

Sumu 46:9

Arekeska zinkhondo mpaka ku chigoti cha charu chapasi; uta afyo, ndi kuwaruwa mkondo, magareta atocha ndi moto!

Yoswa 23:1

Pavuli pa nyengo yitali, penipo Ambuya angupaska chipumulu kwaku Yisraele ku ŵarwani wose ŵakuŵazunguliya, Yoswa wangukota wakuŵa ndi virimika vinandi;

Yoswa 22:4

Ndipo sono Ambuya Chiuta winu wapereka chipumulo ku ŵabali ŵinu, nge ndimo ŵangupanganirana nawo; viyo weni rutaninga ku mizi yinu mu charu mo mwe vihara vinu, vyenivyo Mosese mteŵeti wa Ambuya wangumpaskani kusirgha ku Yordane.

Yoswa 18:10

Ndipo Yoswa wanguwachitiya mphenduzga mu Shilo pa maso pa Ambuya; ndipo kwenikuwa Yoswa wangugaŵiya ŵanthu ŵaku Yisraele charu cho, kwaku yumoza ndi yumoza chigaŵa chake.

Yoswa 11:18

Yoswa wanguchita nkhondo ndi ŵakaronga ŵa, kwanyengo yitali.

Marangu 25:19

Mwaku cho, penipo Ambuya Chiuta winu warekeska nkhondo ya ŵarwani wose ŵakumuzunguriyani; mu charu cho charu cho Ambuya Chiuta winu watukupaskani kuŵa chihara chinu, mukamarizge zina la Amaleke pa charu chapasi, mungaruwanga cha.

Marangu 1:38

Kweni Yoswa mwana waku Nuni, mweniyo watuma pa maso pako wamuselemo, Umukhwimiske pakuti ndiyo wamuhariska charu cho ŵaYisraele.

Chituwa 34:11

“Phwereni cho nditukulanguliyani msana wale. Ehe, ndikaŵadikiska, ngamo paurongo pinu ŵaKanani, ŵaHiti, ŵaPerizi, ŵaHivi ndi ŵaYebusi.

Nehemiya 9:24

Viyo mphapu zawo zingwachiseremo ndi kuhara charu cho, ndipo munguthereska paurongo pawo ŵakuja mu charu cho, ŵaKanani, ndipo mungupereka wo mu manja ghawo, pamoza ndi ŵakaronga ŵawo ndi ŵanthu ŵa charu cho, kuti ŵaŵachitiye mwenimo ŵangakhumbiya kuchita.

Ezekiele 45:8

Chikaŵanga charu chake mu Yisraele. Ndipo ŵakaronga ŵangu kuti ŵakakandirizganga ŵanthu ŵangu so cha; kweni ŵazomerezgenge nyumba yaku Yisraele kuti ŵaŵe ndi charu kwakuyana ndi mafuko ghawo.

Yoswa 12:7

Ndipo yaŵa mba karonga ŵa charu chiya, wo Yoswa ndi ŵaYisraele ŵanguthereska ku chiri kuzambwe kwa Yordane, kutuwa ku Balgada mu dambo la Lebanoni kurazga ku phiri la Halaka, lo litunthumukiya ku Seiri (Yoswa wangupaska charu chawo ku mafuku gha ŵaYisraele kuŵa chihara kwakuyana ndi vigaŵa vyawo,